ଅପରାଧ କୋଇଲା ଚୋରା ଚାଲାଣ ଅଭିଯୋଗରେ ୫ ଜଣ ଗିରଫ Angul OnlineJuly 13, 2023July 13, 2023 ଅନୁଗୋଳ – ଅନୁଗୋଳ ସଦର ଥାନା ପୁଲିସ ଗୁରୁବାର କୋଇଲା ଚୋରା ଚାଲାଣ ଅଭିଯୋଗରେ ୫ ଜଣଙ୍କୁ ଗିରଫ କରିଛି। ସୂଚନା ଯେ, ଏକ ବିଶ୍ବସ୍ତ ସୂତ୍ରରୁ ଖବର ପାଇ ପୁଲିସ ଛେଳିଆପଡ଼ା ଛକଠାରେ ଭୋର ୫ଟା ସମୟରେ ଚକି ବସିଥିବା ବେଳେ ଏକ ବଡ଼ ଅଟୋ(ଓଡି୦୬ଇ- ୩୭୪୬)ରେ ପ୍ରାୟ ଅଢ଼େଇ ଟନ୍ ଚୋରା କୋଇଲା ବୋଝେଇକରି ଅନୁଗୁଳ ଆଡ଼ୁ ହିନ୍ଦୋଳ ଆଡ଼କୁ ଯାଉଥିବା ବେଳେ ପୁଲିସ ସେମାନଙ୍କୁ ରାସ୍ତାରେ ଅଟକାଇ ଯାଞ୍ଚ କରିଥିଲା। ଯାଞ୍ଚ ବେଳେ ଜଣା ପଡ଼ିଲା ଯେ ଅଟୋରେ ଚୋରା କୋଇଲା ବୋଝେଇ ହୋଇଛି। ଅଟୋ ଚାଳକ ହିନ୍ଦୋଳ ଥାନା ଅନ୍ତର୍ଗତ ବାଙ୍ଗୁ ଗାଁର ବାବୁଲା ସାହୁ(୩୨) ଓ ଖଲାସୀ ବାଲିମି ଥାନା ଅନ୍ତର୍ଗତ ଠକର ଗାଁର ବାପି କୁମାର ମାଝୀ(୪୦) ଅଟୋ ମାଲିକ ବାଲିମି ଗାଁର ନୀଳକଣ୍ଠ ଦାସଙ୍କ ନିର୍ଦ୍ଦେଶରେ ସଦର ଥାନା ଅନ୍ତର୍ଗତ କୁମଣ୍ଡ ଗାଁର ବସନ୍ତ ସାହୁ(୫୫)ଙ୍କଠାରୁ ଚୋରା କୋଇଲା ନେଇ ଯାଉଥିଲେ। ଏ ନେଇ ପୁଲିସ ଏକ ମାମଲା ରୁଜୁକରି ଚାଳକ ଓ ଖଲାସୀଙ୍କ ସହ ମାଲିକ ନୀଳକଣ୍ଠ ଓ ଚୋରା କୋଇଲା ଯୋଗାଣକାରୀ ବସନ୍ତଙ୍କୁ ଗିରଫକରି ଗୁରୁବାର କୋର୍ଟ ଚାଲାଣ କରିଛି। ସେହିଭଳି ପୁଲିସ ନତଡ଼ା ଗାଁଠାରେ ଏକ ବାଇକ୍(ଓଡି୩୫ଡି- ୮୮୬୩)ରେ ପ୍ରାୟ ୩ କ୍ବିଣ୍ଟାଲ ଚୋରା କୋଇଲା ନେଇ ଯାଉଥିବା ଅଭିଯୋଗରେ ଗୋପାଳପ୍ରସାଦ ଗାଁର ବିଭୁ ଗୋଚ୍ଛାୟତ(୨୬)ଙ୍କୁ ଗିରଫକରି କୋର୍ଟ ଚାଲାଣ କରିଛି। Advertisement
ସୁଶାନ୍ତକୁ ଏନକାଉଣ୍ଟର କାହିଁକି କଲା ପୁଲିସ ଅନୁଗୁଳ – ଅନୁଗୁଳ ଜିଲ୍ଲା ତାଳଚେର ପୁଲିସର ଏନକାଉଣ୍ଟର । ଏନକାଉଣ୍ଟରରେ ଦୁର୍ଦାନ୍ତ ଅପରାଧୀ ସୁଶାନ୍ତ ନାୟକ @ ଝାମୁ ଗୁରୁତର ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ…
ବାଘ ଶିକାର କରି ଚାରି ଗିରଫ ଅନୁଗୁଳ – ଅନୁଗୁଳ ଜିଲ୍ଲାରେ ମହାବଳ ବାଘଙ୍କ ପରେ କଲରାପତରିଆ ବାଘ ଉପରେ ବିପଦ ପଡିଛି । ଗତ ସପ୍ତାହରେ ସାତକୋଶିଆ ବ୍ୟାଘ୍ର ପ୍ରକଳ୍ପ ଦୁଇଟି କଲରାପତରିଆ…
ଜୟ ଦୁର୍ଗା କ୍ଲବ ପଛ ପାର୍ଶ୍ଵ ରାସ୍ତାରୁ ଯୁବକଙ୍କ ମୃତଦେହ ଉଦ୍ଧାର ଅନୁଗୁଳ – ଅନୁଗୁଳ ସହର ଅମଲାପଡ଼ା ସ୍ଥିତ ଦୁର୍ଗାମଣ୍ଡପ ପଛପାର୍ଶ୍ବ ରାସ୍ତାରୁ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି । ମୃତକ ଜଣଙ୍କ ତୁରଙ୍ଗ ଗ୍ରାମର କୀର୍ତ୍ତନ…