ଅପରାଧ ଛିନତାଇ ଅଭିଯୋଗରେ ୨ ଗିରଫ Angul OnlineJuly 15, 2023July 15, 2023 ଅନୁଗୋଳ – ଅନୁଗୋଳ ସଦର ଥାନା ଅନ୍ତର୍ଗତ କୁମଣ୍ଡ ଗାଁର ଜଣେ ମହିଳାଙ୍କ ବେକରୁ ସୁନା ଚେନ ଛିନତାଇ ଅଭିଯୋଗରେ ପୁଲିସ ଶନିବାର ୨ ଜଣ ଅଭିଯୁକ୍ତଙ୍କୁ ଗିରଫକରିଛି। ସୂଚନା ଯେ, ଗତ ୭ ତାରିଖ ଅପରାହ୍ନରେ ଗାଁର ସୁକାନ୍ତି ଦେହୁରୀ(୬୫) ନାମକ ଜଣେ ମହିଳା ତାଙ୍କ ଘର ପଛପାଖ ବଗିଚାରେ ବୁଲୁଥିଲେ। ତାଙ୍କର ସ୍ମରଣ ଶକ୍ତି ନାହିଁ। ଅନେକ ସମୟରେ ବହୁତ କଥା ତାଙ୍କର ମନେ ରୁହେ ନାହିଁ। ଏହାର ସୁଯୋଗ ନେଇ ତାଙ୍କ ଘରେ ନିୟମିତ କାମ କରୁଥିବା ଶ୍ରମିକ କୁମଣ୍ଡ ଭଣ୍ଡୁବରର ସୗମ୍ୟଜିତ ପ୍ରଧାନ ଓରଫ ଲଣ୍ଡା(୨୭) ଓ ତାଙ୍କ ସାଙ୍ଗ ହେମୁସୁରପଡ଼ାର ଶିଶିର ଭୋଇ ଓରଫ ପପୁ(୨୫) ସୁକାନ୍ତିଙ୍କ ବେକରେ ଥିବା ଏକ ସୁନା ଚେନକୁ ଛିଣ୍ଡାଇ ନେଇଥିଲେ। ସୁକାନ୍ତି ପାଟି କରିଥିଲେ। ପରିବାର ଲୋକେ ଆସିବାରୁ କିଛି ମନେନଥିଲ। ପରେ ତାଙ୍କର ମନେପଡ଼ିବାରୁ ଲଣ୍ଡା ତାଙ୍କ ସୁନା ଚେନ ଛିଣ୍ଡାଇ ନେଇଥିବା କହିଥିଲେ। ଏହା ଜାଣିବାପରେ ବୋହୁ ଲକ୍ଷ୍ମୀପ୍ରିୟା ଦେହୁରୀ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗପାଇ ପୁଲିସ ଏକ ମାମଲା ରୁଜୁକରି ଲଣ୍ଡା ଓ ପପୁଙ୍କୁ ଗିରଫକରି ସେମାନଙ୍କଠାରୁ ସୁନା ଚେନକୁ ଉଦ୍ଧାର କରିଛି । ୨ ଅଭିଯୁକ୍ତଙ୍କୁ ଶନିବାର କୋର୍ଟ ଚାଲାଣ କରିଛି। Advertisement
ବନ୍ଧୁକ ଓ ଭୁଜାଲି ଦେଖାଇ ବ୍ୟବସାୟୀଙ୍କ ଠାରୁ ଲକ୍ଷାଧିକ ଟଙ୍କା ଲୁଟ ତାଳଚେର – ଅନୁଗୁଳ ଜିଲ୍ଲା ତାଳଚେର ସମଲ ଥାନା ନବୀନନଗର ଠାରେ ବନ୍ଧୁକ ଓ ଭୁଜାଲି ଦେଖାଇ ଲୁଗା ବ୍ୟବସାୟୀଙ୍କ ଠାରୁ ୩ ଲକ୍ଷରୁ ଉର୍ଦ୍ଧ୍ବ ଟଙ୍କା…
ଟଙ୍କା ଲୁଟିନେଲେ ସାଇବର ଠକ ଅନୁଗୁଳ – ଅନୁଗୁଳରେ ପୁଣି ମାତିଲେ ସାଇବର ଠକ । କେୱାଇସି ଅପଡେଟ୍ କରିବା ବାହାନରେ ଶିମିଳିପଡ଼ାର ଜୈନିକ ବ୍ୟକ୍ତିଙ୍କ ଆକାଉଣ୍ଟରୁ ୨୦ ହଜାର ଲୁଟ କରି…
ମଦ ଦୋକାନ ଡକାୟତି ଘଟଣାରେ ତିନି ଗିରଫ ଅନୁଗୁଳ – ଅନୁଗୁଳ ଜିଲ୍ଲା ତାଳଚେର ଥାନା ଟିଟିପିଏସ ଠାରେ ଥିବା ଏକ ମଦ ଦୋକାନରୁ ବନ୍ଧୁକ ଓ ଭୁଜାଲି ଦେଖାଇ ଟଙ୍କା ଲୁଟ ଘଟଣାରେ ତାଳଚେର…