କଣିହାଁ – ଅନୁଗୁଳ ଜିଲ୍ଲା କଣିହାଁ ଥାନା ବୁରୁବାହାଳ ଗାଁ ଟିକିରା ନଦୀ ଘାଟରେ ଦଙ୍ଗାରେ ଆସୁଥିବା ବେଳେ ଦଙ୍ଗାରୁ ପଡି ଜଣେ ବୃଦ୍ଧଙ୍କର ମୃତ୍ୟୁ ହୋଇଛି । ମୃତକ  ଚିନ୍ତାମଣିପୁର ଗାଁର ପବିତ୍ର ପ୍ରଧାନ (୫୦) । ଆଜି ସକାଳ ୧୧ଟା ବେଳେ ଏନଟିପିସି ଥାନା ବୁରୁବାହାଳ ଗାଁ ଟିକିରାନଦୀଘାଟରୁ ସେ ଡଙ୍ଗାରେ ନଦୀପାର ହୋଇ ତାଙ୍କ ନିଜ ଗାଁ ଚିନ୍ତାମଣିପୁରକୁ ଯିବାବେଳେ ଡଙ୍ଗାରୁ କୌଣସି କାରଣ ବଶତଃ ସେ ପାଣି ଭିତରେ ଖସିପଡ଼ିଥିଲେ । ତାଙ୍କୁ ବହୁ ସମୟ ଧରି ଖୋଜାଖୋଜି କରିବା ପରେ ମଧ୍ୟ ତାଙ୍କ ପତ୍ତା ମିଳିନଥିଲା । ଖବର ପାଇ କଣିହାଁ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଖୋଜାଖୋଜି କରିବାର ପ୍ରାୟ ୪ ଘଣ୍ଟା ପରେ ନଦୀର ତଳମୁଣ୍ଡରୁ ତାଙ୍କ ମୃତଦେହ ଉଦ୍ଧାର ହୋଇଥିଲା ।