ମୁଖ୍ୟ ଖବର ବିଜେପି ନେତା ଗିରଫ – ଗିରଫଦାରୀକୁ ବିଜେପିର ନିନ୍ଦା Angul OnlineJuly 21, 2023July 21, 2023 ଅନୁଗୋଳ – ଅନୁଗୋଳ ଜିଲ୍ଲା ଏସ ଟି ମୋର୍ଚ୍ଚା ଜିଲ୍ଲା ସଭାପତି ଅର୍ଜୁନ କିସ୍କୁଙ୍କୁ ବିକ୍ରମପୁର ଥାନା ପୋଲିସ ଗିରଫ କରିଛି । ସରକାରୀ ସମ୍ପତ୍ତି ନଷ୍ଟ କରିବା , ରାସ୍ତା ଅବରୋଧ କରି ଲୋକଙ୍କୁ ହଇରାଣ କରିବା , ସରକାରୀ କର୍ମଚାରୀଙ୍କୁ ଆକ୍ରମଣ କରିବା ଭଳି ୧୦ ଦଫାରେ ପୋଲିସ ଗିରଫ କରି କୋର୍ଟ ଚାଲାଣ କରିଛି। ସୁଚନା ଅନୁସାରେ ଗତ ଜୁନ 12 ତାରିଖ ରେ ବିକ୍ରମପୁର ଥାନା ଅଧିନସ୍ଥ ଏଫ ସି ଆଇ ମୁଣ୍ଡା ବଜାର ଠାରେ ପିଇବା ପାଣି ପାଇଁ ଶତାଧିକ ଆଦିବାସୀ ଲୋକ ଆନ୍ଦୋଳନ କରିଥିଲେ । ଆଦିବାସୀ ନେତା ଅର୍ଜୁନ କିସ୍କୁ ଏହାର ନେତୃତ୍ୱ ନେଇଥିଲେ । ଆଉ ଏହି ଘଟଣା ବେଳେ ଉତ୍ତେଜନା ପରିସ୍ଥିତି ମଧ୍ଯ ଦେଖା ଦେଇଥିଲା । ପ୍ରଶାସନିକ ଅଧିକାରୀ ମାନେ ଘଟଣା ସ୍ଥଳକୁ ଆସି ବୁଝାସୁଝା କରିଥିଲେ ମଧ୍ଯ ସ୍ଥାୟୀ ସମାଧାନ ଦାବି କରି ଆନ୍ଦୋଳନ ପ୍ରାୟ ଦୁଇଦିନ ଧରି ଚାଲିଥିଲା । ଏହି ଘଟଣାରେ ପୋଲିସ ଆଜି ଅର୍ଜୁନ କିସ୍କୁଙ୍କୁ ଗିରଫ କରିଛି । ଅର୍ଜୁନ ସମେତ ଅନ୍ୟ 23 ଜଣଙ୍କ ନମରେ ମଧ୍ଯ ପୋଲିସ ମାମଲା ରୁଜ୍ଜୁ କରିଛି । ତେବେ ଏହି ଗିରଫଦାରୀକୁ ଜିଲ୍ଲା ବିଜେପି ବିରୋଧ କରିଛି । ବିଜେପି ରାଜ୍ୟ ସମ୍ପାଦକ କାଳନ୍ଦି ସାମଲ କୋର୍ଟ ପରିସରରେ ଉପସ୍ଥିତ ରହିବା ସହ ଜେଲ ହାଜତ ରେ ଶ୍ରୀ କିସ୍କୁ ଙ୍କୁ ଭେଟି ବା ସହ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି । ପୋଲିସ, ପ୍ରଶାସନ ପାଣି ମାଗିବାରୁ ଜଣେ ଆଦିବାସୀ ନେତା ଙ୍କୁ ଉଦ୍ଯେଶ ମୂଳକ ଭାବେ ଜେଲ ପଠାଇବା ବିଜୁ ଜନତା ଦକ ସରକାର ର ହୀନ ମନ୍ୟତା ବୋଲି ଶ୍ରୀ ସାମଲ କହିଛନ୍ତି । ରାଜ୍ୟରେ ପୋଲିସ ପ୍ରଶାସନ ବିଜୁ ଜନତା ଦଳର କର୍ମୀ ଭଳି କାର୍ଯ୍ୟ କରୁଛନ୍ତି ବୋଲି ଶ୍ରୀ ସାମଲ କହିଛନ୍ତି । ରାଜ୍ୟରେ ବର୍ତ୍ତମାନ ଏକ ପ୍ରକାର ଅଘୋଷିତ ଜରୁରୀ କାଳୀନ ପରିସ୍ଥିତି ସୃଷ୍ଟି ହୋଇଛି, ସାଧାରଣ ଲୋକ କଥା କହିବା ତଥା ପାଣି ମାଗିବାରୁ ଆଦିବାସୀ ଯୁବକ ଙ୍କୁ ବହୁ ସଂଗୀନ ଦଫା ଲଗାଇ ଜେଲ ପଠାଇବା ଭଳି ଘଟଣା ରାଜ୍ୟରେ ଗଣତନ୍ତ୍ର କୁ ହତ୍ୟା ବୋଲି ସେ କହିଛନ୍ତି ।ଆଦିବାସୀ ମାନଙ୍କୁ ନେଇ ଆଗାମୀ ଦିନରେ ବିଜେପି ନିର୍ଣ୍ଣାୟକ ଲଢେଇ ଲଢ଼ିବ ବୋଲି ଶ୍ରୀ ସାମଲ ପ୍ରକାଶ କରିଛନ୍ତି । Advertisement
ନାନୀ-ଭଉଣୀ ଉପରେ ଚଢିଗଲା ହାଇୱା – ଜଣେ ମୃତ ଆଠମଲ୍ଲିକ – ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ଅନ୍ତର୍ଗତ ନଗଦିପୁର ଗ୍ରାମ ନିକଟରେ ସ୍କୁଟିରେ ଯାଉଥିବା ନାନୀ-ଭଉଣୀଙ୍କୁ ଏକ ହାଇୱା ଧକ୍କା ଦେବା ଫଳରେ ଜଣଙ୍କର ମୃତ୍ୟୁ…
ଆଠମଲ୍ଲିକରେ ଖୋଲିବ ପଶ୍ଚିମ ଓଡ଼ିଶା ବିକାଶ ପରିଷଦ କାର୍ଯ୍ୟାଳୟ ଭୁବନେଶ୍ଵର – ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଭିଡିଓ କନ୍ଫରେନ୍ସିଂ ଜରିଆରେ ପଶ୍ଚିମ ଓଡିଶା ବିକାଶ ପରିଷଦର କାର୍ଯ୍ୟକ୍ରମର ସମୀକ୍ଷା କରିଛନ୍ତି । ପରିଷଦର ବାର୍ଷିକ ଅନୁଦାନକୁ…
ବିନ୍ଦଲ କାରଖାନାରେ ଅଗ୍ନିକାଣ୍ଡ ତାଳଚେର – ଅନୁଗୁଳ ଜିଲ୍ଲା ତାଳଚେର ଥାନା ଅନର୍ଗତ ବିନ୍ଦଲ ସ୍ପଞ୍ଜ ଆଇରନ ଫାକ୍ଟ୍ରିରେ ଅଗ୍ନିକାଣ୍ଡ ଘଟି ଲକ୍ଷାଧିକ ଟଙ୍କାର ସମ୍ପତି ନଷ୍ଟ ହୋଇଥିବା ଜଣା ପଡିଛି…