ଛେଣ୍ଡିପଦା – ଅନୁଗୋଳ ଜିଲ୍ଲା ଛେଣ୍ଡିପଦା ଥାନା ବାଲିପଟ୍ଟା ସ୍ୱାସ୍ଥ୍ୟ କେନ୍ଦ୍ର ନିକଟସ୍ଥ ପୋଖରୀରେ ବୁଡି ଜଣେ ବୃଦ୍ଧାଙ୍କର ମୃତ୍ୟୁ ହୋଇଛି । ମୃତ ବୃ୍ଦ୍ଧା ଜଣଙ୍କ ବାଲିପଟା ଗ୍ରାମର ଜିରା ସେଠୀ ବୋଲି ଜଣା ପଡିଛି । ଘଟଣାରୁ ପ୍ରକାଶ ବୁଧବାର ସନ୍ଧ୍ୟାରେ ବାଲିପଟା ଗ୍ରାମ ବେଲ ଛକ ନିକଟସ୍ତ ଜିରା ସେଠୀ ଗ୍ରାମରେ ଥିବା ଡାକ୍ତରଖାନା ନିକଟସ୍ଥ ପୋଖରୀକୁ ଶୌଚ ହେବା ପାଇଁ ଆସି ଆଉ ଘରକୁ ଫେରି ନଥିଲେ l ଏ ନେଇ ପରିବାର ଲୋକ ରାତିରେ ବହୁ ଖୋଜାଖୋଜି କରି ତାକୁ ପାଇ ନଥିଲେ l ଗୁରୁବାର ସକାଳେ ଡାକ୍ତରଖାନା ନିକଟରେ ଥିବା ପୋଖରୀରେ ତାଙ୍କର ମୃତ ଦେହ ପାଣିରେ ଭାସୁଥିବା ସ୍ଥାନିୟ ଲୋକମାନେ ଦେଖି ଛେଣ୍ତିପଦା ଅଗ୍ନିଶମ ବିଭାଗ ଓ ପୁଲିସକୁ ଖବର ଦେଇ ଥିଲେ l ଖବର ପାଇ ଛେଣ୍ତିପଦା ଅଗ୍ନିଶମ ବିଭାଗ ଓ ପୁଲିସ ଘଟଣା ସ୍ଥଳରେ ପହଞ୍ଚି ପାଣିରୁ ଶବକୁ ଉଦ୍ଧାର କରିଥିଲେ l ଉଦ୍ଧାର ପରେ ପାଣିରେ ଭାସୁଥିବା ଶବ ଜିରା ସେଠୀଙ୍କର ବୋଲି ଜଣା ପଡିଥିଲା l ଏନେଇ ପୁଲିସ ଜିରାଙ୍କ ପରିବାର ଲୋକଙ୍କ ଉପସ୍ଥିତିରେ ଶବକୁ ପାଞ୍ଚନାମା କରିବା ସହିତ ଶବକୁ ବ୍ୟବଚ୍ଛେଦ ପାଇଁ ଛେଣ୍ଡିପଦା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ l ସେଠାରେ ବ୍ୟବଚ୍ଛେଦ ପରେ ପୋଲିସ ଶବକୁ ପରିବାର ଲୋକଙ୍କୁ ହସ୍ତାନ୍ତର କରିଛି l ଏ ନେଇ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି l