ପିଟିସିର ୮୬ ବର୍ଷ ପୂର୍ତ୍ତି ଅବସରରେ ରକ୍ତଦାନ କଲେ ପୁଲିସ

ଅନୁଗୁଳ – ଅନୁଗୁଳ ଜିଲ୍ଲା ପୁଲିସ ଟ୍ରେନିଂ କଲେଜ ନିର୍ମାଣ ହେବାର ୮୬ ବର୍ଷ ପୂର୍ତ୍ତି ହୋଇଛି । ୧୯୨୭ ମସିହାରେ ନିର୍ମାଣ ହୋଇଥିବା ଏହି କଲେଜ ବର୍ତ୍ତମାନ ସୁଦ୍ଧା ରାଜ୍ୟରେ ଥିବା ଅନେକ ପୁଲିସଙ୍କୁ ତାଲିମ ଦେଇଛି । ଏହି କଲେଜର ୮୬ ବର୍ଷ ପୂର୍ତ୍ତି ଅବସରରେ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଆୟୋଜନ କରାଯାଇଥିଲା । ଯେଉଁଥିରେ ତାଲିମ ନେଉଥିବା ପୁଲିସ ମାନେ ରକ୍ତଦାନ କରିଥିଲେ । ରକ୍ତ ବର୍ତ୍ତମାନ ଦିନରେ ଅନେକଙ୍କ ପାଇଁ ଅତ୍ୟାବଶ୍ୟକ ହୋଇଛି । ଏହା ସହ ପୁଲିସ ଉପରେ ସାଧାରଣ ଲୋକ ମାନଙ୍କ ଭରଷା ଓ ବିଶ୍ୱାସ ରହିବା ଆବଶ୍ୟକ ବୋଲି ଏଭଳି ଏକ ରକ୍ତଦାନ ଶିବିରର ଆୟୋଜନ କରାଯାଇଛି ବୋଲି ଆଇଜି ତଥା ପିଟିସିର ପ୍ରିନିସିପାଲ ଜୟ ନାରାୟଣ ପଙ୍କଜ କହିଛନ୍ତି । ଏହି ରକ୍ତଦାନ ଶିବିରରେ ପ୍ରାୟ ୨୦୦ ୟୁନିଟ ରକ୍ତ ସଂଗ୍ରହ ହୋଇଥିଲା ।

Advertisement