ଅନୁଗୁଳ – ହାତୀ ଯୋଗୁଁ ଅନୁଗୁଳବାସୀଙ୍କ ଧନ ଜୀବନ ଅସୁରକ୍ଷିତ ହୋଇ ପଡିଛି । ଅନେକ ସମୟରେ ହାତୀ ପଲ ଜନ ବସତି ମୁହାଁ ହେଉଥିବା ବେଳେ ଦୁଇଟି ଦନ୍ତା ୩୦ ରୁ ଅଧିକ ଜୀବନ ନେଲେଣି । ମୁଖ୍ଯତଃ ବନ୍ତଳା ଅଞ୍ଚଳର ଲୋକେ ହାତୀ ଯୋଗୁଁ ଅତିଷ୍ଠ ହୋଇ ଗଲେଣି । ବନ ବିଭାଗ , ପ୍ରଶାସନକୁ ଯେତେ ଗୁହାରି କଲେ ମଧ୍ଯ କୌଣସି ସୁଫଳ ମିଳୁ ନାହିଁ । ବନ ବିଭାଗ ନିଦାବିଷ୍ଣୁ ସାଜିଛି । କେବଳ ଗୋଟିଏ ଗାଁରୁ ଆଉ ଗୋଟିଏ ଗାଁକୁ ହାତୀ ଘଉଡାଇ ହାତୀ ଗୋପାଳ ସାଜିଛି ବୋଲି ମଞ୍ଚ କହିଛି । ଏଭଳି ଅଭିଯୋଗ ଆଣି ସାମାଜିକ ସୁରକ୍ଷା ମଞ୍ଚ ଆନ୍ଦୋଳନକୁ ଓଲ୍ହାଇବ ବୋଲି ଚେତାବନୀ ଦେଇଛି । ବନ୍ତଳା ଅଞ୍ଚଳର ଲୋକଙ୍କ ଜୀବନ କଣ ପୋକ ମାଛି ବୋଲି ପ୍ରଶ୍ନ କରି ଆସନ୍ତା ୧୬ ତାରିଖ ଠାରୁ ଜିଲ୍ଲାପାଳଙ୍କ କାର୍ଯ୍ଯାଳୟ ସମ୍ମୁଖରେ ଗଣତାନ୍ତ୍ରୀକ ପଦ୍ଧତିରେ ଗଣ ଧାରଣା ଦେବାକୁ ମଞ୍ଚ ନିଷ୍ପତ୍ତି ନେଇଛି । ଅଞ୍ଚଳକୁ ଗଜମୁକ୍ତ କରିବା ସହ ହାତୀ ଯୋଗୁଁ କ୍ଷତି ସହୁଥିବା ଚାଷୀ ମାନଙ୍କୁ ଉଚିତ କ୍ଷତିପୂରଣ ଦେବାକୁ ମଞ୍ଚ ଦାବି କରିଛି ।  ଏହା ସହ ମଣିଷ ଜୀବନର ମୂଲ୍ଯ ମାତ୍ର ୬ ଲକ୍ଷ ଟଙ୍କା ନୁହେଁ ।  ଏଣୁ ହାତୀ ଆକ୍ରମଣରେ ମୃତ୍ଯୁ ହେଲେ ମୃତକଙ୍କ ପରିବାରକୁ ୧ କୋଟି ଟଙ୍କା ସହାୟତା ରାଶି ଦେବାକୁ ଦାବି କରା ଯାଇଛି ।  ଯଦି ଏ ସବୁ ଦାବି ପୁରଣ ନ ହୁଏ ତେବେ ଆଗାମୀ ଦିନରେ ଭୟଙ୍କର ଆନ୍ଦୋଳନ ହେବ ବୋଲି ମଞ୍ଚ ଚେତବନୀ ଦେଇଛି । ଏ ନେଇ ଶନିବାର ଏକ ସମ୍ବାଦିକ ସମ୍ମିଳନୀରେ ସୁଚନା ଦିଆ ଯାଇଛି । ଆଜିର ସମ୍ବାଦିକ ସମ୍ମିଳନୀରେ ମଞ୍ଚର ସଭାପତି ପଣ୍ଡିତ ମହେଶ ସାହୁ , ଉପଦେଷ୍ଟା ନିରଂଜନ ଦେହୁରୀ , କାର୍ଯ୍ଯକାରୀ ସଭପତି ତପନ ଦେହୁରୀ , ଲକ୍ଷ୍ମଣ ସାହୁ , ଦୁର୍ଗା ଚରଣ ପ୍ରଧାନ ଆଦି ଉପସ୍ଥିତ ଥିଲେ ।