ଅନୁଗୁଳ – ଅନୁଗୁଳ ଜିଲ୍ଲା କିଶୋରନଗର ଥାନା ମାଣିକପୁର ଗାଁରେ ଏକ ଅଘଟଣ ଘଟି ଯାଇଛି। ଛାତ ସେଟ୍ରିଙ୍ଗ ଖୋଲିଥିବା ବେଳେ ସେଟ୍ରିଙ୍ଗ ଖସି ପଡିବା ଯୋଗୁଁ ଜଣଙ୍କର ମୃତ୍ୟୁ ହୋଇଛି । ମୃତକ ଜଣଙ୍କ ସୋନପୁର ଜିଲ୍ଲା ଆମାନ୍ତପାଲି ଗାଁର ନିରଞ୍ଜନ ହରିପାଲ ବୋଲି ଜଣା ପଡିଛି । ସୂଚନା ଅନୁସାରେ ଆମାନ୍ତପାଲି ଗାଁର ଜଣେ ବ୍ୟକ୍ତି ଘର ଛାତ ପକାଇଥିଲେ । ଆଜି ଏହି ଛାତର ସେଟ୍ରିଙ୍ଗ ଖୋଲିବା ପାଇଁ ସୋନପୁର ଜିଲ୍ଲାରୁ କିଛି ଶ୍ରମିକଙ୍କୁ ଡାକିଥିଲେ । ଶ୍ରମିକମାନେ ସେଟ୍ରିଙ୍ଗ ଖୋଳୁଥିବା ବେଳେ ସେଟ୍ରିଙ୍ଗ ହଠାତ ଖସିଯିବା ଫଳରେ ନିରଞ୍ଜନ ଚାପି ହୋଇ ଯାଇଥିଲେ । ବାମୁର ଦମକଳ ବାହିନୀ ଖବର ପାଇ ଘଟଣା ସ୍ଥଳରେ ପହଞ୍ଚି ନିରଞ୍ଜନକୁ ଉଦ୍ଧାର କରି କିଶୋରନଗର ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ତେବେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।