ଅନୁଗୁଳ – ଚଳିତ ମାସ ୮ ତାରିଖରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ କରକମଳରେ ଲୋକାର୍ପିତ ହୋଇଥିବା ବିଶ୍ୱସ୍ତରୀୟ ଅତ୍ୟାଧୁନିକ ପାଠାଗାର ଓ ସଂଗ୍ରହାଳୟ ‘ବ୍ଲାକ୍ ଡାଇମଣ୍ଡ’ ଆସନ୍ତାକାଲି (ସୋମବାର) ଠାରୁ ପାଠକ ପାଠିକାମାନଂକ ପାଇଁ ଖୋଲାଯିବ । ଏହି ପାଠାଗାର ପ୍ରତ୍ୟେକ ଦିନ ପୂର୍ବାହ୍ନ ୮ ଘଟିକାରୁ ଅପରାହ୍ନ ୫ ଘଟିକା ପର୍ଯ୍ୟନ୍ତ ଖୋଲା ରହିବ ଏବଂ ସରକାରୀ ଛୁଟି ଦିନ ଗୁଡିକରେ ବନ୍ଦ ରହିବ । ଏଥି ନିମନ୍ତେ ଇଛୁକ ପାଠକ ପାଠିକାମାନେ ମାସିକ ୧୫୦ ଟଙ୍କା ଦେୟ ପୈଠ କରି ଏହି ପାଠାଗାରର ସୁବିଧା ନେଇପାରିବେ । ପଞ୍ଜିକରଣ ନିମନ୍ତେ ଆସନ୍ତାକାଲି ୧୧ ତାରିଖ (ସୋମବାର)ରୁ ଜିଲ୍ଲା ପାଠାଗାର(ଜିଲ୍ଲା ସଂସ୍କୃତି କାର୍ଯ୍ୟାଳୟ ପରିସର) ଠାରେ ଅପରାହ୍ନ ୩ ଘଟିକା ରୁ ୫ ଘଟିକା ମଧ୍ୟରେ ଆବେଦନ କରିପାରିବେ । ଆବେଦନ ନିମନ୍ତେ ଆଧାର କାର୍ଡ, ମୋବାଇଲ ନମ୍ବର, ଜନ୍ମ ତାରିଖ ଓ ସ୍ଥାୟୀ ଠିକଣା ଇତ୍ୟାଦିର ନିତ୍ୟାନ୍ତ ଆବଶ୍ୟକ ରହିଛି । ସର୍ବସାଧାରଣଙ୍କ ପାଇଁ ଏହି ପାଠାଗାର ଖୁବ୍ ଶିଘ୍ର ଖୋଲାଯିବାର କାର୍ଯ୍ୟକ୍ରମ ରହିଛି ।
Advertisement
