ଅନୁଗୁଳ – ଅନୁଗୁଳ ଜିଲ୍ଲା ପୁଲିସ ଈନ୍ସପେକ୍ଟର ସ୍ତରରେ ବ୍ଯାପକ ଅଦଳବଦଳ ହୋଇଛି । ଅନୁଗୁଳ ଜିଲ୍ଲା ଆରକ୍ଷୀ ଅଧିକ୍ଷକ ସୁଧାଂଶୁ ଶେଖର ମିଶ୍ରଙ୍କ ନିର୍ଦେଶକ୍ରମେ ଅନୁଗୁଳ ପୁଲିସ ହେଡ କ୍ୱାଟରରେ ଥିବା ବ୍ରଜ ବିହାରୀ ସାମନ୍ତସିଂହାରଙ୍କୁ ପୁରୁଣାକୋଟ ଥାନା ଅଧିକାରୀ ଭାବେ ବଦଳି କରା ଯାଇଛି । ସେହିଭଳି ବନ୍ତଳା ଥାନା ଅଧିକାରୀ ଭାବେ କାର୍ଯ୍ଯରତ ସନ୍ତୋଷ କୁମାର ସେଠୀଙ୍କୁ ଏନଟିପିସି ଥାନା , ଠାକୁରଗଡ ଥାନା ଅଧିକାରୀଣି ନିର୍ମଳା ଗୋଛାୟତଙ୍କୁ ଜରପଡା ଥାନା , ଅନୁଗୁଳ ପୁଲିସ ହେଡକ୍ୱାଟରରେ ଥିବା ନଟବର ନନ୍ଦଙ୍କୁ ଠାକୁରଗଡ ଥାନା , ଜୟନ୍ତ କୁମାର ମହାନ୍ତୀଙ୍କୁ ରେଙ୍ଗାଳି ଥାନା , ଅନୁଗୁଳ ଏସଡିପିଓ ଅଫିସରେ ଥିବା ଖଳେଶ୍ୱର ସେଠୀଙ୍କୁ ସାଇବର ଥାନା , କିଶୋରନଗର ଥାନା ଅଧିକାରୀଣି ସଙ୍ଗିତା ମହାପାତ୍ରଙ୍କୁ ବନ୍ତଳା ଥାନା , ସାଇବର ଥାନାରୁ ବିଭୁତି ପ୍ରଧାନଙ୍କୁ କିଶୋରନଗର ଥାନା , ଅନୁଗୁଳ ପୁଲିସ ହେଡକ୍ୱାଟରରୁ ଅନୁରାଧା ମାର୍ଥାଙ୍କୁ ଅନୁଗୁଳ ଟାଉନ ଥାନାର ଅତିରିକ୍ତ ଥାନା ଅଧିକାରୀ ଭାବେ ଓ ସରୋଜ କୁମାର ନାଏକଙ୍କୁ ଚାଇଁପାଳ ଫାଣ୍ଡି ଅଧିକାରୀ ଭାବେ ବଦଳି କରା ଯାଇଛି ।