ମନୋରଞ୍ଜନ ଦର୍ଶକଙ୍କୁ ବିମୋହିତ କଲା ନାଟକ ବ୍ରହ୍ମ ବିବାଦ ବିସମ୍ବାଦ Angul OnlineJanuary 17, 2024January 17, 2024 ଅନୁଗୁଳ – ଅନୁଗୁଳର ଅଗ୍ରଣୀ ଅନୁଷ୍ଠାନ ନାଟ୍ଯମ ପକ୍ଷରୁ ଶ୍ରୀ ଜଗନ୍ନାଥ ତତ୍ତ୍ଵ ଉପରେ ଆଧାରିତ ନାଟକ ବ୍ରହ୍ମ ବିବାଦ ବିସମ୍ବାଦ ମଞ୍ଚସ୍ଥ ହୋଇଯାଇଛି । ଅନୁଗୁଳ ଅତିରିକ୍ତ ଜିଲ୍ଲାପାଳ ପ୍ରତାପ ପ୍ରୀତିମୟ ଆଜି କାର୍ଯ୍ଯକ୍ରମକୁ ଉଦ୍ଘାଟନ କରି ଜଗନ୍ନାଥ ଦର୍ଶନ ଓ ସଂସ୍କୃତି ସୁଦୂର ପ୍ରସାରି ବୋଲି କହିଥିଲେ । ୩୫ ରୁ ଅଧିକ କଳାକାରଙ୍କୁ ନେଇ ଏହି ନାଟକ ଦର୍ଶକଙ୍କୁ ବେଶ୍ ବାନ୍ଧି ରଖିଥିଲା । ନାଟକରେ ଜଗନ୍ନାଥଙ୍କ ଅପାର ମହିମା ଠାରୁ ଆରମ୍ଭ କରି ବ୍ରହ୍ମ ବିବାଦ ଯାଏ ସବୁ କଥା ପ୍ରଦର୍ଶିତ ହୋଇ ଥିଲା । ଜଣେ ଭକ୍ତକୁ ପ୍ରଭୁ ସିଧା ସଳଖ ଦର୍ଶନ ନ ଦେଇ କିଭଳି ବାରମ୍ବାର ଧର୍ଯ୍ୟର ପରୀକ୍ଷା କରୁଛନ୍ତି ତାହା ବେଶ୍ ମାର୍ମିକ ରୂପେ ପ୍ରଦର୍ଶିତ ହୋଇଥିଲା । ପରୀକ୍ଷା କଲେ ମଧ୍ୟ ଭକ୍ତକୁ ସେ ନିଜର ଅଶେଷ କୃପା ଦାନ କରିଛନ୍ତି ।ଯେଉଁମାନେ ଦ୍ଵନ୍ଦ ସୃଷ୍ଟି କରନ୍ତି ଏବଂ ଯୁଗ ଯୁଗ ତୃଟି ରୁ ଫାଇଦା ଉଠାଇବାକୁ ଚେଷ୍ଟା କରନ୍ତି ତାଙ୍କୁ ପ୍ରଭୁ କିଭଳି ଦଣ୍ଡ ଦେଇଛନ୍ତି ଏବଂ ସେମାନେ କିଭଳି ଦଣ୍ଡକୁ ଗ୍ରହଣ କରୁଛନ୍ତି ତାହାକୁ ନେଇ ନାଟକ ଗତିଶୀଳ ହୋଇଛି । ନାଟକ ଟି ରାଜ୍ୟ ଭାଷା ସାହିତ୍ୟ ସଂସ୍କୃତି ବିଭାଗ ଓ ସଙ୍ଗୀତ ନାଟକ ଏକାଡେମୀ ଆନୁକୁଲ୍ୟରେରେ ପ୍ରଦର୍ଶିତ ହୋଇଥିଲା । ନାଟକଟିକୁ ନବୀନ କୁମାର୍ ପରିଡ଼ା ରଚନା କରିଥିବା ବେଳେ ସୁଧାଂଶୁ ମୋହନ ଦ୍ବିବେଦୀ ନିର୍ଦ୍ଦେଶନା ଦେଇଥିଲେ । Advertisement
ଜାନୁଆରୀ ମାସରେ ଜିଲ୍ଲା ମହୋତ୍ସବ – ଚଳିତ ବର୍ଷ ୫ ଦିନ ହେବ ମହୋତ୍ସବ ଅନୁଗୁଳ – ଅନୁଗୁଳ ଜିଲ୍ଲା ମହୋତ୍ସବ ଏଥର ୫ ଦିନିଆ ହେବ । ଜାନୁଆରୀ ୧୮ ତାରିଖରୁ ଦଶମ ଅନୁଗୁଳ ଜିଲ୍ଲା ମହୋତ୍ସବ ଆରମ୍ଭ ହେବ ।…
“ଗାନ୍ଧୀଙ୍କ ଓଡିଶା” ମଞ୍ଚସ୍ଥ ଅନୁଗୁଳ – ପ୍ରାୟ ଏକ ବର୍ଷ ପରେ ମଞ୍ଚକୁ ଫେରିଛନ୍ତି କଳାକାର । ଆଉ ଜାତିର ଜନକ ମହାତ୍ମା ଗାନ୍ଧୀଙ୍କ ଓଡିଶା ଅଗମନର ୧୦୦ ବର୍ଷ ପୂର୍ତ୍ତି…
ମିସେସ ଇଣ୍ଡିଆ ଆର୍ଥ ପ୍ରତିଯୋଗିତାରେ ରୂପାଲିଙ୍କ ସଫଳତା ତାଳଚେର – ଅନୁଗୁଳ ତାଳଚେରରେ ଜନ୍ମିତ ଓଡିଆ ଝିଅ ରୂପାଲି ଶ ମିସେସ ଇଣ୍ଡିଆ ଆର୍ଥ ପ୍ରତିଯୋଗିତାରେ ଭାଗ ନେଇ ଦ୍ଵିତୀୟ ହେବା ସହ ମିସେସ ଚାର୍ମିଙ୍ଗ…