ଅନୁଗୁଳ – ଗାଡି ଡୋରରେ ଚାପି ହୋଇ ଚାଳକ ମୃତ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଅନୁଗୁଳ କରଡ଼ାଗାଡିଆ ସ୍ଥିତ ଏକ ଠିକା କ୍ୟାମ୍ପରେ । ମୃତ ଟିପର ଚାଳକ ଜଣଙ୍କ ହେଲେ ଠାକୁରଗଡ଼ ଥାନା ସିଆରିମାଳିଆ ଗ୍ରାମର ଅଶୋକ ମାଝୀ ବୋଲି ଜଣା ପଡିଛି । ସୂଚନା ଅନୁସାରେ ସଜ୍ଜନ ଅଗ୍ରୱାଲ ନାମକ ଜଣେ ଠିକାଦାରଙ୍କା ଏହି ଠିକା କ୍ୟାମ୍ପରେ ଟିପର , ହାଇୱା ଗୁଡ଼ିକ ପାର୍କିଂ ହୋଇଥିଲା । ସକାଳେ ଗାଡିରେ ଚଢିବାକୁ ଅଶୋକ ଡୋର ଖୋଲି ଭିତରକୁ ପ୍ରବେଶ କରିବା ସମୟରେ ସେଠାରେ ଥିବା ଅନ୍ୟ ଏକ ଗାଡ଼ି ହଠାତ୍ ପଛକୁ ଗଡି ଧକ୍କା ଦେଇଥିଲା । ଫଳରେ ଡୋର ମଝିରେ ଚାପି ହୋଇ ଘଟଣା ସ୍ଥଳରେ ଅଶୋକଙ୍କ ମୃତ୍ୟୁ ହୋଇଥିଲା । ଖବର ପାଇ ସଦର ଥାନା ପୁଲିସ ଘଟଣା ସ୍ଥଳରୁ ମୃତଦେହ ଜବତ କରି ଅନୁସନ୍ଧାନ ଚଳାଇଛି ।