ଅନୁଗୁଳ – ଢେଙ୍କାନାଳ ଜିଲ୍ଲା କଣ୍ଟାବଣିଆ ଥାନା ଅନ୍ତର୍ଗତ କମଳାଙ୍ଗ ଗ୍ରାମ୍ୟ ରାସ୍ତାରେ ଟ୍ରକ ଧକ୍କାରେ ଦୁଇଜଣ ମୋଟରସାଇକେଲ ଆରୋହୀଙ୍କର ଘଟଣା ସ୍ଥଳରେ ମୃତ୍ୟୁ ହୋଇଛି । ମୃଲକ ମାନେ ହେଲେ ଚଉରିଡିହ ଗ୍ରାମର ନଦିଆ ସାହୁଙ୍କ ପୁଅ ଚିତ୍ତରଞ୍ଜନ ସାହୁ ଓ ନୂଆହତା ଗ୍ରାମର ଶ୍ରୀକାନ୍ତ ସାମଲଙ୍କ ପୁଅ ଆଶିଷ ସାମଲ ବୋଲି ଜଣା ପଡିଛି । ଉଭୟ ଅପରାହ୍ନ ଦୁଇଟା ପରେ ଏକ ଘରୋଇ କମ୍ପାନୀରୁ କାମ ସାରି ଜିଏମଆର ରାସ୍ତାରେ ମୋଟରସାଇକେଲ ଯୋଗେ ଘରକୁ ଫେରୁଥିଲେ । କଣ୍ଟାବଣିଆ ଥାନା ନିକଟ ଅଞ୍ଚଳରେ ଏକ ପାଉଁଶ ବୋଝେଇ ହାଇଓ୍ବା ସେମାନଙ୍କୁ ଧକ୍କା ଦେଇଥିଲା । ଫଳରେ ଘଟଣା ସ୍ଥାଳରେ ଉଭୟଙ୍କର ମୃତ୍ୟୁ ହୋଇଥିଲା । କଣ୍ଟାବଣିଆ ଥାନା ପୁଲିସ ପହଞ୍ଚି ଉଭୟଙ୍କ ମୃତଦେହକୁ ଉଦ୍ଧାର କରି ଅନୁଗୁଳ ମୂଖ୍ୟ ଚିକିତ୍ସାଳୟକୁ ବ୍ୟବଚ୍ଛେଦ ପାଇଁ ପଠାଇଛି ।