ଆଠମଲ୍ଲିକ – ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ମାଳିପଦର ଗ୍ରାମରେ ପିକଅପ ଭ୍ୟାନ ଧକ୍କାରେ ୪ ବର୍ଷର ନାବାଳକର ମୃତ୍ଯୁ ହୋଇଛି । ମୃତ ନାବାଳକ ତନ୍ମୟ ବେହେରା ରାସ୍ତାରେ ଯାଉଥିବା ବେଳେ ଏକ ପିକଅପ ଭ୍ୟାନ ଦ୍ରୁତ ଗତିରେ ଆସି ତାଙ୍କୁ ଧକ୍କା ଦେଇ ଥିଲା । ଫଳରେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ଦୁର୍ଘଟଣାକୁ ନେଇ ଘଟଣା ସ୍ଥଳରେ ଉତ୍ତେଜନା ପରିସ୍ଥିତି ଦେଖା ଦେଇଥିଲା । ଉତ୍ତ୍ୟକ୍ତ ଗ୍ରାମବାସୀ କ୍ଷତିପୂରଣ ଦାବି କରି ରାସ୍ତା ମଝିରେ ଟାୟାର ଜାଳି ରାସ୍ତା ଅବରୋଧ କରିଥିଲେ। ସେପଟେ ଗାଡିଟି ନାବାଳକକୁ ଧକ୍କା ଦେଇ ଦୃତ ଗତିରେ ପଳାଉଥିବା ବେଳେ ରୁଗୁଡ଼ିସାହି ଛକ ଠାରେ ସଧାରଣ ଲୋକେ ଉକ୍ତ ଗାଡିକୁ ଅଟକାଇ ଥିଲେ । ଖବର ପାଇ ଆଠମଲ୍ଲିକ ପୁଲିସ ଘଟଣା ସ୍ଥଳରେ ପହଞ୍ଚି ଗାଡିକୁ ଜବତ କରିବା ସହ ଉକ୍ତ ଗାଡିର ଚାଳକ ଅଟକ ରଖି ତଦନ୍ତ କରୁଛି । ସେପଟେ ସ୍ଥାନୀୟ ପ୍ରସାଶନ ଉତ୍ତେଜନା ସ୍ଥଳରେ ପହଞ୍ଚି ଉତ୍ତ୍ଯକ୍ତ ଲୋକଙ୍କୁ ବୁଝାସୁଝା ପରେ ଗାଡି ଚଳାଚଳ ସୌଭବିକ ହୋଇଥିଲା ।