ଅନୁଗୁଳ – ଅନୁଗୁଳ ଥାନା ଛକ ନିକଟରେ ଏକ ଟ୍ରକ ଧକ୍କାରେ ଜଣେ ଉଦୀୟମାନ କ୍ରିକେଟ ଖେଳାଳି ତଥା ଛାତ୍ରଙ୍କରର ମୃତ୍ୟୁ ହୋଇଛି । ସୁଚନା ଅନୁସାରେ , ଏହି ତେର ବର୍ଷୀୟ ସ୍କୁଲ ଛାତ୍ର ଆୟୁଷ କୁମାର ଯାଦବ ତାଙ୍କ ସାନ ଭାଇ ସହ ଦୁଇଟି ସାଇକଲରେ ଅପରାହ୍ନ ପ୍ରାୟ ଚାରିଟା ସମୟରେ କଦମ ପଡ଼ିଆ କ୍ରିକେଟ ଖେଳିବାକୁ ବାହାରିଥିଲେ । ତେବେ ଥାନା ଛକ ଟ୍ରାଫିକରେ ଠିଆ ହୋଇଥିବା ବେଳେ ସର୍କିଟ ହାଉସ ପଟୁ ଆସୁଥିବା ଏକ ଟ୍ରକ ଆୟୁଷଙ୍କୁ ଘୋଷାଡି ନେଇଥିଲା । ଫଳରେ ଆୟୁଷଙ୍କ ମୁଣ୍ଡ ରାସ୍ତାରେ ପିଟି ହେବା ସହ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ଘଟଣା ପରେ ସ୍ଥାନୀୟ ଲୋକ ଉତ୍ତ୍ୟକ୍ତ ହୋଇ ଟ୍ରକକୁ ଭଙ୍ଗାରୁଜା କରିଥିଲେ । ଖବର ପାଇ ଅନୁଗୁଳ ପୁଲିସ ଘଟଣା ସ୍ଥଳରେ ପହଞ୍ଚି ପରିସ୍ଥିତି ନିୟନ୍ତ୍ରଣ କରିବା ସହ ମୃତଦେହକୁ ଜବତ କରି ଡାକ୍ତରଖାନା ପଠାଇଥିଲେ । ଆୟୁଷଙ୍କ ବାପା ନିଲେଶ ଯାଦବ ଏକ ଘରୋଇ କମ୍ପାନୀରେ କାମ କରନ୍ତି । ଆୟୁଷ ଜଣେ ଭଲ କ୍ରିକେଟ ଖେଳାଳି ହୋଇଥିବା ବେଳେ କ୍ରିକେଟରେ ତାଙ୍କର ଭଲ ଭବିଷ୍ୟତ ଥିଲା ବୋଲି ତାଙ୍କ ସାଥି ଖେଳାଳି ଓ କୋଚ କହିଛନ୍ତି ।