ଯାତ୍ରୀବାହୀ ଘରୋଇ ବସକୁ ପାଞ୍ଚ ଲକ୍ଷ ଟଙ୍କା ଜୋରିମନା

ପାଲଲହଡା – ବସକୁ 4 ଲକ୍ଷ 98 ହଜାର  ଜୋରିମନା । ସିଂହବାହିନୀ ନାମକ ଏକ ଘରୋଇ ବସ କୁ ତାଳଚେର ପରିବହନ ଅଧିକାରୀ ବିଭିନ୍ନ ପରିବହନ ଆକ୍ଟ ଉଲଙ୍ଘନ ଅଭିଯୋଗରେ ମୋଟ 4 ଲକ୍ଷ 98 ହଜାର 764 ଟଙ୍କା ଜୋରିମନା କରିଛନ୍ତି । 192(କ) ଅନୁଯାୟୀ ପରମିଟ ନଥାଇ ଗାଡି ଚଳାଇବା ପାଇଁ 10 ହଜାର ଟଙ୍କା , ଟ୍ୟାକ୍ସ ବାବଦକୁ ବକେୟା ପାଇଁ 4 ଲକ୍ଷ 88 ହଜାର 764 ଟଙ୍କା ଏହିପରି ଭାବେ ମୋଟ 4,98764 ଟଙ୍କାର ଜୋରିମନା ପରିବହନ ବିଭାଗ ପକ୍ଷରୁ କଟାଯାଇଛି । ଜୋରିମନା ସହ ବସଟିକୁ ପାଲଲହଡା ଥାନାର ଜିମା ଦିଆଯାଇଛି । ସୁଚନା ଅନୁସାରେ ଦୀର୍ଘଦିନରୁ ଏହି ବସଟି ପରିବହନ ଆଇନ ଉଲଂଘନ କରି ଆସୁଥିବା ବେଳେ ନୂତନ ମୋଟର ଯାନ ଆଇନ ଅନୁଯାୟୀ ଫାଇନ କଟାଯାଇଥିବା ତାଳଚେର ଆରଟିଓ ନିଖିଳ କୁମାର ପଟନାୟକ ସୂଚନା ଦେଇଛନ୍ତି । ବସଟି ଖମାର ରୁ କଲିକତା ଯାଉଥିବା ଜଣାପଡିଛି ।

Advertisement