କୂଅରେ ପଡି ନାବାଳକ ମୃତ

ଅନୁଗୋଳ – ଅନୁଗୋଳ ଜିଲ୍ଲା ଜରପଡ଼ା ଥାନା ଟାସରା ଗାଁରେ ଗାଧେଇବାକୁ ଯାଇ କୂଅରେ ପଡି ଜଣେ ନାବାଳକର ମୃତ୍ୟୁ ହୋଇଛି । ମୃତ ନାବାଳକ ଜଣଙ୍କ କ୍ଷୀରୋଦ ସାହୁଙ୍କ ୧୦ ବର୍ଷର ପୁଅ ଶ୍ରୀୟାଂଶୁ ବୋଲି ଜଣା ପଡ଼ିଛି । ସୂଚନା ଅନୁସାରେ ଆଜି ସକାଳେ ଶ୍ରୀୟାଂଶୁ ବାଡ଼ି ପଟରେ ଥିବା କୂଅକୁ ଗାଧେଇବାକୁ ଯାଇଥିଲେ । ତେଣ୍ଡାରେ ସେ ପାଣି ଟାଣୁଥିବା ବେଳେ ହଠାତ ତାଙ୍କ ଗୋଡ ଖସି ଯାଇ ସେ କୂଅରେ ପଡି ଯାଇଥିଲେ । ତେବେ ସେ କୂଅରେ ପଡିଥିବା କେହି ଜାଣି ନଥିବା ବେଳେ ଘରକୁ ନ ଫେରିବାରୁ ଘରଲୋକ ଖୋଜାଖୋଜି କରି ତାଙ୍କୁ କୂଅ ଭିତରୁ ଉଦ୍ଧାର କରିଥିଲେ । ସେତେବେଳକୁ ତାଙ୍କର ମୃତ୍ୟୁ ହୋଇ ସାରିଥିଲା ।

Advertisement