ଅନୁଗୁଳ – ଅନୁଗୁଳ ଜିଲ୍ଲା ଜାମୁଣ୍ଡା ଗାଁରେ ଆଜି ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ରାସ୍ତାରେ ଶୁଖା ଯାଇଥିବା ଚଣା ଗଛ ଲାଗି ଏକ ଚଳନ୍ତା କାରରେ ନିଆଁ ଲାଗି ଗାଡିର ଇଞ୍ଜିନ ସମ୍ପୂର୍ଣ୍ଣ ଜଳିଯାଇଥିବା ଜଣାପଡିଛି । ସୂଚନା ଅନୁସାରେ ଜାମୁଣ୍ଡା ଆଡୁ ବନ୍ତଳା ଆଡକୁ ଏକ କାର ଆସୁଥିବା ବେଳେ ଗାଁର କେହି ଲୋକ ରାସ୍ତାରେ ଚଣା ସୁଖାଇଥିଲେ । ସେହି ଚଣା ଗାଡିର ଇଞ୍ଜିନରେ ଲାଖି ରହିଥିଲା । ଗାଡିଟି କିଛି ବାଟ ଯିବାପରେ ଇଞ୍ଜିନ ଗରମ ହେବା ଯୋଗୁଁ ଏଥିରେ ନିଆଁ ଧରିଥିଲା । ନିଆଁ ଲାଗି ଇଞ୍ଜିନକୁ ମଧ୍ୟ ଏହି ନିଆଁ ବ୍ୟାପିଥିଲା । ଗାଡିରୁ ନିଆଁ ଓ ଧୂଆଁ ଦେଖି ଲୋକ ଅଟକାଇବା ପରେ  ଗାଡିରୁ ଚାଳକ ଓ ବସିଥିବା ଲୋକ ଗାଡି ଛାଡି ବାହାରକୁ ପଳାଇ ଆସିବା ଯୋଗୁଁ ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି । ତେବେ ଗାଡିଟିର ଇଞ୍ଜିନ ସମ୍ପୂର୍ଣ୍ଣ ଜଳି ଯାଇଥିବା ବେଳେ ଏହାର ବନେଟ ଭାଙ୍ଗି ପାଣି ଢାଳିବା ପରେ ନିଆଁକୁ ଆୟତ୍ତ କରାଯାଇଥିଲା ।