ଅପରାଧ ନାବାଳକକୁ ଅପହରଣ ଅଭିଯୋଗରେ ଜଣେ ଗିରଫ Angul OnlineSeptember 24, 2023September 24, 2023 ଅନୁଗୁଳ – ଅନୁଗୁଳ ସହରରୁ ଖେଳୁଥିବା ବେଳେ ଜଣେ ନାବାଳକକୁ ଅପହରଣ କରି ନେଇଥିବା ଅଭିଯୋଗରେ ଅନୁଗୁଳ ପୁଲିସ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ସୁଚନା ଅନୁସାରେ ଅନୁଗୁଳ ସହର ରାଧାରମଣପଡାର ଜଣେ ନାବାଳକ ୧୫ ତାରିଖ ଅପରାହ୍ନରେ ଘର ନିକଟ ପଡିଆରେ ଖେଳୁଥିଲା । ତେବେ ସନ୍ଧ୍ଯାରେ ନାବାଳକ ଜଣଙ୍କ ଆଉ ଘରକୁ ଫେରି ନଥିଲା । ପରିବାର ଲୋକ ଖୋଜା ଖୋଜି ପରେ ନ ପାଇବାରୁ ଦେବଗଡ ଜିଲ୍ଲା ହାତିଶାଳସାହିର ଅମିୟ ଠାକୁର ନାମଙ୍କ ଜଣେ ଯୁବକ ଉପରେ ତାଙ୍କର ସନ୍ଦେହ ହୋଇଥିଲା । କାରଣ ଅମିୟ ଗତ ମାସରେ ମଧ୍ଯ ନାବାଳକକୁ ଫୁସୁଳାଇ ନେଇ ଯାଇଥିଲା ଏବଂ ପରେ ଦେବଗଡ ଥାନାରେ ଅଭିଯୋଗ କରି ନାବାଳକକୁ ଉଦ୍ଧାର କରା ଯାଇଥିଲା । ଏଣୁ ସେମାନେ ଦେବଗଡ ଅମିୟର ଘରକୁ ଯାଇ ବାପା-ମା ଙ୍କୁ ପଚରାଉଚୁରା କରିଥିଲେ । ସେମାନେ ଏ ସମ୍ପର୍କରେ କିମ୍ବା ଅମିୟ କୁଆଡେ ଯାଇଥିବା ସମ୍ପର୍କରେ ଜାଣି ନଥିବା କହିବାରୁ ପରିବାର ଲୋକ ନିରାଶ ହୋଇ ଅନୁଗୁଳ ଥାନାର ଆଶ୍ରୟ ନେଇଥିଲେ । ପୁଲିସ ଘଟଣାର ତଦନ୍ତ କରି ଦେବଗଡ ଜିଲ୍ଲାରୁ ନାବାଳକକୁ ଉଦ୍ଧାର କରିବା ସହ ଅମିୟକୁ ଗିରଫ କରିଥିଲା । ଆଜି ଅମିୟକୁ ଦଫା ୩୭୦ ଓ ୩୬୫ ଆପିସିରେ କୋର୍ଟ ଚାଲାଣ କରା ଯାଇଛି । Advertisement
ହାତୀଦାନ୍ତ ସହ ଜଣେ ଗିରଫ ଅନୁଗୁଳ – ଅନୁଗୁଳ ଜିଲ୍ଲା ଜରପଡା ବନାଞ୍ଚଳ କନ୍ଧକୋଇଲି ଗାଁରେ ଆଜି ଏସଟିଏଫ ଓ ବନ ବିଭାଗ ଚାଢାଉ କରି ଦୁଇଟି ହାତୀ ଦାନ୍ତ ଜବତ କରିଥିବା…
ଡ୍ୟାମରୁ କରୋନା ସଂକ୍ରମିତଙ୍କ ମୃତଦେହ ଉଦ୍ଧାର ଅନୁଗୁଳ – ଅନୁଗୁଳ ଜିଲ୍ଲା ନିଶା ଶିଳ୍ପାଞ୍ଚଳ ଥାନା ରାଇଝରଣ ଗାଁରେ ଏକ ଅଭାବନୀୟ ଘଟଣା ଘଟିଛି । କୋଭିଡ ପଜିଟିଭ ଚିହ୍ନଟ ଜଣେ ବ୍ୟକ୍ତିଙ୍କ ମୃତଦେହ…
ସରପଞ୍ଚ ପ୍ରାର୍ଥୀଙ୍କୁ ଅପହରଣ ଅଭିଯୋଗ ଛେଣ୍ଡିପଦା – ଅନୁଗୁଳ ଜିଲ୍ଲା ଛେଣ୍ଡିପଦା ବ୍ଲକ ମାଛକୁଟା ପଞ୍ଚାୟତ ର ସରପଞ୍ଚ ପ୍ରାର୍ଥୀଙ୍କୁ ଅପହରଣ ଅଭିଯୋଗ ହୋଇଛି । ସରପଞ୍ଚ ପ୍ରାର୍ଥୀ ମନୋଜ ସେଠୀ ଆଜି…