ଅନୁଗୁଳ – ଅନୁଗୁଳ ଜିଲ୍ଲା ଦେଇ ଯାଇଥିବା ଜାତୀୟ ରାଜପଥ ୫୫ ରେ ଦୁର୍ଘଟଣାରେ ଜଣେ ସ୍କୁଲ ଫେରନ୍ତା ଛାତ୍ରୀଙ୍କର ମୃତ୍ଯୁ ହୋଇଛି । ମୃତ ଛାତ୍ରୀ ଜଣଙ୍କ ବନ୍ଦା ଗାଁର ଜିତେନ୍ଦ୍ର ସାହୁଙ୍କ ଝିଅ ପୁଜା ସାହୁ ବୋଲି ଜଣା ପଡିଛି । ସେ ପାଂଚଗଡ ବିଜୟ କୁମାର ସରକାରୀ ଉଚ୍ଚ ବିଦ୍ଯାଳୟରେ ଷଷ୍ଠ ଶ୍ରେଣୀରେ ପଢୁଥିବା ଜଣା ପଡିଛି । ସୁଚନା ଅନୁସାରେ ପୁଜା ସ୍କୁଲ ଅପରାହ୍ନ ୪ ଟା ବେଳେ ସ୍କୁଲ ଛୁଟି ପରେ ଚାଲି ଚାଲି ଘରକୁ ଫେରୁଥିଲେ । ତେବେ ବଅଁରପାଳ ହାଟ ନିକଟରେ ହୋଇଥିବା ବେଳେ ଏକ ଟ୍ରଲର ତାଙ୍କୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ହିଁ ତାଙ୍କର ମୃତ୍ଯୁ ହୋଇଥିଲା ।