କେନାଲରେ ବୁଡି ଯୁବକ ନିଖୋଜ – ଖୋଜି ଖୋଜି ନୟାନ୍ତ ହେଲେଣି ଅଗ୍ନିଶମ ଓ ଓଡ୍ରାଫ ଦଳ

ଅନୁଗୋଳ – ଅନୁଗୋଳ ଜିଲ୍ଲା ବୁଢ଼ାପଙ୍କ ଗାଁ ନିକଟ କେନାଲରେ ବୁଡି ଜଣେ ଯୁବକ ନିଖୋଜ ହୋଇ ଯାଇଛନ୍ତି । ନିଖୋଜ ଯୁବକ ଜଣଙ୍କ ହେଲେ ବୁଢ଼ାପଙ୍କ ଗାଁର କିରଟ ନାୟକଙ୍କ ୧୮ ବର୍ଷୀୟ ପୁଅ ସୁବାଶିଷ ନାୟକ । ସୁଚନା ଅନୁସାରେ ସୁବାଶିଷ ଆଜି ମଧ୍ଯାହ୍ନରେ ତାଙ୍କ ବନ୍ଧୁ ବିଶାଲ ରାଉତ , ଶକ୍ତି ପ୍ରସାଦ ରାଉତ ଓ ସୌମ୍ଯ ରଂଜନ ଲେଙ୍କାଙ୍କ ସହ କେନାଲକୁ ଗାଧେଇବାକୁ ଯାଇଥିଲେ । ତେବେ ଅସବଧାନତା ଯୋଗୁଁ ସୁବାଶିଷ ହଠାତ ଗଭୀର ପାଣିକୁ ଚାଲି ଯାଇଥିଲେ । ଅନ୍ଯ ସାଙ୍ଗ ମାନେ ସୁବାଶିଷକୁ ବଞ୍ଚାଇବାକୁ ଚେଷ୍ଟା କରି ବିଫଳ ହୋଇଥିଲେ । ପାଟି ଶୁଣି ଗାଁ ଲୋକ ମଧ୍ଯ ଆସି ଖୋଜାଖୋଜି କରିଥିବା ବେଳେ ସୁବାଶିଷକୁ ପାଣିରୁ ପାଇ ନଥିଲେ । ଖବର ପାଇ ଅଗ୍ନିଶମ ବିଭାଗ କର୍ମଚାରୀ ମାନେ ଘଟଣା ସ୍ଥଳରେ ପହଞ୍ଚି କେନାଲ ପାଣିରେ ବୁଡି ସନ୍ଧ୍ୟା ପର୍ଯ୍ୟନ୍ତ ଖୋଜାଖୋଜି କରିଥିଲେ ମଧ୍ୟ ସୁବାଶିଷଙ୍କୁ ପାଇ ନଥିଲେ । ଶେଷରେ ଓଡ୍ରାଫ ଟିମକୁ ଖବର ଦିଆ ଯାଇଥିଲା । ସନ୍ଧ୍ୟାରେ ଢେଙ୍କାନାଳ ଓଡ୍ରାଫ ଟିମ ଘଟଣା ସ୍ଥଳରେ ପହଞ୍ଚି ପାଣି ଭିତରେ ପ୍ରାୟ ଦୁଇ ଘଣ୍ଟା ଖୋଜିଥିଲା । କିନ୍ତୁ ଖବର ଲେଖାଯିବା ସୁଧା ସୁବାଶିଷଙ୍କ ପତ୍ତା ମିଳି ପାରି ନାହିଁ । ଆସନ୍ତାକାଲି ସକାଳୁ ପୁଣି ଓଡ୍ରାଫ ଟିମ ତାଙ୍କୁ ଖୋଜିବାକୁ ଚେଷ୍ଟା କରିବ ।

Advertisement