ତାଳଚେର – ଅନୁଗୋଳ ଜିଲ୍ଲା ତାଳଚେର ଭୁବନେଶ୍ଵରୀ କୋଇଲା ଖଣି ୨ ନମ୍ବର ସାଇଡିଂ ଠାରେ କୋଇଲା ଵୋଝେଇ ହାଇୱା ମାଡିଯିବା ଫଳରେ ଜଣଙ୍କର ମୃତ୍ୟୁ ହୋଇଛି । ମୃତକ ଜଣକ ହେଉଛନ୍ତି ସଞ୍ଜୟ ଦାସ । ସେ ଅନନ୍ତ କୋଲୋନିରେ ରହୁଥିବା ଜଣାପଡିଛି । ଘଟଣା ସ୍ଥଳରେ କୋଲିୟାରି ପୁଲିସ ପହଞ୍ଚି ଅଧିକ ତଦନ୍ତ ଜାରୀ ରଖିଛି । ସଞ୍ଜୟ ଜଣେ ଠିକାଦାର ହୋଇଥିବା ବେଳେ ସେ MCL ରେ ଗେଷ୍ଟ ହାଉସର ଠିକା କାର୍ଯ୍ୟ ନେଇଥିଲେ । ତାଙ୍କର କୋଇଲା ସାଇଡିଂରେ କୌଣସି କାର୍ଯ୍ୟ ନଥିବାବେଳେ ସେ ସେଠାକୁ କିପରି ଗଲେ ଓ ତାଙ୍କ ଉପରେ କୋଇଲା ବୋଝେଇ ହାଇୱା କିଭଳି ମାଡ଼ିଗଲା ଯାହାକୁ ସହଜରେ ଗ୍ରହଣ କରିପାରୁନାହାନ୍ତି ମୃତକଙ୍କ ପରିବାର ଲୋକେ । ଅଭିଯୋଗ ମିଳିବା ପରେ ଏ ନେଇ ପୁଲିସ ଅଧିକ ତଦନ୍ତ କରୁଛି ।
Advertisement
