ଅନୁଗୁଳ – ସାରା ଓଡ଼ିଶାରେ ଏବେ ହକି ଫିବର । ଓଡ଼ିଶାରେ ହେବାକୁ ଥିବା ପୁରୁଷ ୱାର୍ଲଡ଼ କପ ହକି ପାଇଁ ରାଜ୍ୟ ସରକାର ସବୁ ପ୍ରକାର ପ୍ରସ୍ତୁତି କରିଥିବା ବେଳେ ଏହାର ପ୍ରଚାର ଓ ପ୍ରସାର ପାଇଁ ଅନେକ କାର୍ଯ୍ୟକ୍ରମ କରୁଛନ୍ତି । ଅନୁଗୁଳ ଜିଲ୍ଲା ପ୍ରଶାସନ ମଧ୍ୟ ଲୋକଙ୍କୁ ହକି ୱାର୍ଲଡ଼ କପ ସମ୍ପର୍କରେ ସଚେତନ କରିବା ପାଇଁ ଆଗେଇ ଆସିଛି । ଏଥିପାଇଁ ପ୍ରତ୍ୟେକ ସହର ଗାଁରେ ବୁଲି ବୁଲି ସମସ୍ତ ଘର ଆଗରେ ଷ୍ଟିକରିଙ୍ଗ କରାଯାଇଛି । ଏହା ସହ ଆଜିଠାରୁ ଏକ ରଥ ବାହାରିଛି । ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ପତାକା ଦେଖାଇ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ୱାଇଁ ଏହି ରଥର ଶୁଭାରମ୍ଭ କରିଥିଲେ । ଏହି ରଥ ଜିଲ୍ଲା ସାରା ବୁଲି ଲୋକଙ୍କୁ ଘରେ ଟିଭିରେ ହେଉ କିମ୍ବା ଷ୍ଟାଡିଅମକୁ ଯାଇ ହକି ଦେଖିବାକୁ ଅନୁରୋଧ କରିବ ।