ତାଳଚେର – ପଶ୍ଚିମବଙ୍ଗର ଆସାନସୋଲଠାରେ ଚାଲିଥିବା ତିନିଦିନିଆ ସର୍ବଭାରତୀୟ ବନ୍ଧୁକ ଚାଳନା ପ୍ରତିଯୋଗିତାରେ ତାଳଚେରର ଝିଅ ତନିଷ୍ଠା ସାମନ୍ତ ସଫଳତା ପାଇ ରାଜ୍ୟବାସୀଙ୍କ ପାଇଁ ସୁନାମ ଆଣିଛନ୍ତି । ତନିଷ୍କା ଗୋଟିଏ ରୌପ୍ୟ ଓ ଦୁଇଟି ବ୍ରୋଞ୍ଜ ପଦକ ପାଇବାରେ ଓଡ଼ିଶାରୁ ଏକମାତ୍ର ପ୍ରତିଯୋଗୀ ଅଟନ୍ତି । ରାଜ୍ୟର ୭୦ଜଣ ପ୍ରତିଯୋଗୀଙ୍କ ମଧ୍ୟରୁ ୫ଜଣ ଏହି ବନ୍ଧୁକ ଚାଳନା ପ୍ରତିଯୋଗିତା ପାଇଁ ଚୟନ ହୋଇଥିଲେ । ୫ ଜଣଙ୍କ ମଧ୍ୟରେ ତାଳଚେର ରାଇଫଲ , କୃର ସିଦ୍ଧାର୍ଥ ଗଣେଶ୍ୱର ଓ ସବିଂଶ ମିଶ୍ର ସର୍ବଭାରତୀୟ ବନ୍ଧୁକ ଚାଳନା ପାଇଁ ଚୟନ ହୋଇଛନ୍ତି । ପୂର୍ବରୁ ମଧ୍ୟ ତନିଷ୍ଠା ବନ୍ଧୁକ ଚାଳନାରେ ରାଜ୍ୟସ୍ତରରେ ସ୍ଵର୍ଣ୍ଣପଦକ ପାଇଛନ୍ତି । ଏମ ଏସିଏଲ ଜଗନ୍ନାଥ ଡିଏଭି ସ୍କୁଲର ନବମ ଶ୍ରେଣୀର ଛାତ୍ରୀ ତନିଷ୍କା ତାଳଚେର ଟାଉନ୍ ବଜାର ଅଞ୍ଚଳରେ ଭୁବନେଶ୍ଵର ସାମନ୍ତଙ୍କ କନ୍ୟା ଅଟନ୍ତି ।