ଛେଣ୍ଡିପଦା – ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ପଳାସବଣିଆ ଗ୍ରାମ ନିକଟସ୍ଥ ବରନାଳ ଚେକଡ୍ୟାମର ଏକ ଗାଡିଆରେ ମୃତଦେହ ଭାସୁଥିବା ଦେଖିବାକୁ ମିଳିଛି । ସୂଚନା ଅନୁସାରେ ପଳାସବଣିଆ ଗାଁ ନିକଟସ୍ଥ ବରନାଳ ଚେକଡ୍ୟାମରେ ଥିବା ଏକ ଗାଡିଆରେ ଏହି ମୃତଦେହ ଭାସୁଥିବା ସ୍ଥାନୀୟ ଲୋକମାନେ ଦେଖି ଛେଣ୍ଡିପଦା ପୁଲିସକୁ ଖବର ଦେଇଥିଲେ । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଛେଣ୍ଡିପଦା ଅଗ୍ନିଶମ ବିଭାଗ ସହାୟତାରେ ମୃତଦେହକୁ ଗାଡିଆ ମଧ୍ୟରୁ ଉଦ୍ଧାର କରିବା ପାଇଁ ଉଦ୍ୟମ ଜାରି ରଖିଛି । ମୃତଦେହଟି ପାଣି ଭିତରେ ପଡି ଷଢି ଯାଇଥିବାରୁ ଏହା ପୁରଷ କି ମହିଳାଙ୍କ ମୃତଦେହ ଜଣାପଡି ନାହିଁ । ନାଉପଦା ଗ୍ରାମର ଜୈନେକା ବୃଦ୍ଧା କିଛି ଦିନତଳେ ନିଖୋଜ ଥିବା ବେଳେ ତାଙ୍କର ମୃତ ଦେହ ହୋଇଥିବା ନେଇ ସ୍ଥାନୀୟ ଲୋକମାନେ ସନ୍ଦେହ କରିଛନ୍ତି ।