ମୁଖ୍ୟ ଖବର ଅତିରିକ୍ତ ଏସ୍.ପି.ଙ୍କ ଅକାଳ ବିୟୋଗ Angul OnlineAugust 17, 2023August 17, 2023 ଅନୁଗୁଳ – ଅନୁଗୁଳ ଜିଲ୍ଲା ଅତିରିକ୍ତ ଆରକ୍ଷୀ ଅଧିକ୍ଷକ ସୁରେଶ ଚନ୍ଦ୍ର ପାଣିଗ୍ରାହୀଙ୍କ ଗୁରୁବାର ସକାଳେ ଅକାଳ ବିୟୋଗ ହୋଇଛି । ସ୍ବର୍ଗତ ପାଣିଗ୍ରାହୀ ସକାଳେ ବଜାରରୁ ପରିବା କିଣି ଆଣିଥିଲେ। ଘରେ କିଛି କାମ କରିଥିଲେ । ତାପରେ ତାଙ୍କର ବାନ୍ତି ହୋଇଥିଲା । ଅସୁସ୍ଥ ଅନୁଭବ କରିବାରୁ ଜିପ୍ ଚାଳକଙ୍କୁ ଡ଼ାକି ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଯାଇଥିଲେ । ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା । ଏହି ଖବର ପ୍ରଚାରିତ ହେବାପରେ ସମଗ୍ର ଜିଲ୍ଲା ପୁଲିସରେ ଶୋକର ଛାୟା ଖେଳିଯାଇଥିଲା । ସେଜଣେ କର୍ମଠ ନ୍ୟାୟବନ୍ତ ପୁଲିସ ଅଧିକାରୀଭାବେ ସୁନାମ ଅର୍ଜନ କରିଥିଲେ । ନିକଟରେ ତାଙ୍କର ବାଲେଶ୍ବର ଜିଲ୍ଲାକୁ ବଦଳି ହୋଇଥିଲା । କିଛି ଦିନ ମଧ୍ୟରେ ନୂଆ ଜାଗାରେ ଯୋଗଦେବାର ଥିଲା । ଖବରପାଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଉତ୍ତର କେନ୍ଦ୍ରାଞ୍ଚଳ ଡିଆଜି ବ୍ରିଜେଶ ରାଏ, ଆରକ୍ଷୀ ଅଧିକ୍ଷକ ସୁଧାଶୁ ଶେଖର ମିଶ୍ର ତାଙ୍କର ଶେଷ ଦର୍ଶନ କରିଥଲେ । ପରେ ଅପରାହ୍ନରେ ଛେଳିଆପଡ଼ା ପୁଲିସ ରିଜର୍ଭ ପଡ଼ିଆଠାରେ ତାଙ୍କୁ ଗାର୍ଡ ଅଫ୍ ଅନର ପ୍ରଦାନ କରାଯାଇଥିଲା । ସ୍ବର୍ଗତ ପାଣିଗ୍ରାହୀଙ୍କ ପାର୍ଥିବ ଶରିରକୁ ନିଜ ଜନ୍ମମାଟି ବଲାଙ୍ଗିରକୁ ସନ୍ଧ୍ୟାରେ ନିଆଯାଇଛି । ସେଠାରେ ତାଙ୍କର ଅନ୍ତିମ ସଂସ୍କାର କରାଯିବ । ମୃତ୍ୟୁ ଶଯ୍ୟା ନିକଟରେ ତାଙ୍କ ପତ୍ନୀ ଉପସ୍ଥିତ ଥିଲେ । Advertisement
ଗାତରେ ପଡିଲା ହାତୀ – ଉଦ୍ଧାର ପରେ ଗୋଡାଇ ଆକ୍ରମଣ କଲା ପାଲଲହଡ଼ା – ଅନୁଗୁଳ ଜିଲ୍ଲା ପାଲଲହଡ଼ା ବ୍ଲକ ଖମାର ରେଞ୍ଜ ଶଙ୍ଖମୁର ପଞ୍ଚାୟତ ବେଶଳିୟା ଜଙ୍ଗଲରେ ଏକ ହାତୀ ଗାତରେ ପଡ଼ି ଗତ ଶନିବାରଠାରୁ ଛଟପଟ ହେଉଥିଲା…
ଚକାଡୋଳା ବର୍ତ୍ତନ ଭଣ୍ଡାରରେ ଜିଏସଟି ଚଢାଉ – ଦୋକାନ ଛାଡି ପଳାଇଲେ ମାଲିକ ଅନୁଗୁଳ – ଅନୁଗୁଳ ବଜାରରେ ଥିବା ଚକାଡୋଳା ବର୍ତ୍ତନ ଭଣ୍ଡାରରେ ଆଜି ଷ୍ଟେଟ ଜିଏସଟି ଏନଫୋର୍ସମେଣ୍ଟ ୟୁନିଟ ଅନୁଗୁଳ ପକ୍ଷରୁ ଚଢାଉ କରା ଯାଇଥିଲା । ଡେପୁଟି…
ବିଜେପିରେ ଯୋଗଦେଲେ ଦିଲ୍ଲୀପ ଏବଂ ସୁନୀଲ ଅନୁଗୁଳ – ପୌର ନିର୍ବାଚନ ପାଇଁ ରାଜନୀତି ସରଗରମ ହୋଇ ଉଠିଛି । ନିଜ ନିଜ ଦଳର ପତିଆରା କେମିତି ଜାହିର ହେବ ସେଥିପାଇଁ ସମସ୍ତ ଚେଷ୍ଟା…