ତାଳଚେର – ଅନୁଗୁଳ ଜିଲ୍ଲା ତାଳଚେର ଏକଡାଳ ଗାଁ ନିକଟରେ ଏନଟିପିସିର ପାଉଁଶ ପାଣି ପାଇପ ଫାଟିବା ଫଳରେ ଏକ କୁତ୍ରିମ ବନ୍ୟା ପରିସ୍ଥିତି ସୃଷ୍ଟି ହୋଇଛି । ପ୍ରାୟ ୬ ଟି ପରିବାରର ଘର ନଷ୍ଟ ହେବା ସହ ଆସବାବ ପତ୍ର ଓ ଅନ୍ୟାନ୍ୟ ସମ୍ପତ୍ତି ନଷ୍ଟ ହୋଇଥିବା ଜଣା ପଡିଛି ।

ସୂଚନା ଅନୁସାରେ କଣିହାଁ  ଏନଟିପିସିରୁ ବନ୍ଦ ଥିବା ଅନନ୍ତ କୋଇଲା ଖଣିକୁ ପୋତିବା ପାଇଁ ପାଇପ ବିଛା ଯାଇଥିଲା । ଆଜି ଏହି ପାଇପରେ ପାଉଁଶ ପାଣି ଛାଡି ଏହାକୁ ଟ୍ରାଏଲ ରନ କରା ଯାଇଥିଲା । ତେବେ ଏହି ଟ୍ରାଏଲ ରନ ବେଳେ ହଠାତ ପାଇପ ଫାଟି ଯାଇଥିଲା । ଆଉ ସଙ୍ଗେ ସଙ୍ଗେ ପାଉଁଶ ପାଣି ବିଛୁରି ପଡିବା ସହ ଏକଡାଳ ଗାଁ ଭିତରକୁ ପାଣି ମାଡି ଯାଇଥିଲା । ଗାଁର ହରିଜନ ସାହି ଜଳମଗ୍ନ ହେବା ସହ ସେଠାରେ ଏକ ପ୍ରକାର କୁତ୍ରିମ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା । ଘର ଭିତରେ ପାଉଁଶ ପାଣି ପଶି ଯାଇଥିଲା । ଫଳରେ ଘରେ ଥିବା ଖାଦ୍ୟ ସାମଗ୍ରୀ ସମେତ ଆସବାବ ପତ୍ର ସବୁ ନଷ୍ଟ ହୋଇ ଯାଇଛି । ଏହାକୁ ନେଇ ପ୍ରତିକ୍ରିୟା ପ୍ରକାଶ ପାଇଥିବା ବେଳେ ଖବର ପାଇ ତାଳଚେର ବିଧାୟକ ବ୍ରଜ କିଶୋର ପ୍ରଧାନ ଘଟଣା ସ୍ଥଳରେ ପହଞ୍ଚି ଲୋକ ମାନଙ୍କ ସହ କଥା ହେବା ପରେ ଏନଟିପିସି କର୍ତ୍ତୁପକ୍ଷଙ୍କ ସହ କ୍ଷତିପୂରଣ ନେଇ ଆଲୋଚନା କରିଛନ୍ତି । ଆଉ ଭବିଷ୍ୟତରେ ଏଭଳି ଦୁର୍ଘଟଣା କିଭଳି ନ ହେବ ସେଥିପାଇଁ ଦ୍ରୁଷ୍ଟି ଦେବାକୁ ନିର୍ଦେଶ ଦେଇଛନ୍ତି ।