ଅନୁଗୁଳ – ୨୦୨୪ ବର୍ଷ ପାଇଁ ଜଣେ ଆଇଜି ଓ ଜଣେ ଡିଆଇଜି ସହ ୨୦ ଜଣ ପୁଲିସ କର୍ମଚାରୀଙ୍କ ନାମ ରାଜ୍ୟପାଳ ପଦକ ପାଇଁ ଘୋଷଣା କରାଯାଇଛି । ବିଭିନ୍ନ ବର୍ଗରେ ୨୦ ଜଣ ପୁଲିସଙ୍କୁ ଏହି ପଦକ ପ୍ରଦାନ କରାଯିବ । ଆସନ୍ତା ଜାନୁୟାରୀ ୨୬ ତାରିଖ ସାଧାରଣତନ୍ତ୍ର ଦିବସରେ ଏହି ପଦକ ପ୍ରଦାନ କରାଯିବ । ଏହି ପଦକ ତାଲିକାରେ ଅନୁଗୁଳ ଜିଲ୍ଲାର କନେଷ୍ଟବଳ ଅଶ୍ୱିନିକାନ୍ତ ସାହୁ ମଧ୍ୟ ରହିଛନ୍ତି । ଅଶ୍ଵିନୀ ଅଗଷ୍ଟ ମାସ ୨୦୧୩ ମସିହାରେ ପୁଲିସରେ ଯୋଗଦାନ କରିଥିଲେ । ପ୍ରଥମରୁ ରିଜର୍ଭ ଅଫିସରେ କନେଷ୍ଟବଳ ଭାବେ ନିଯୁକ୍ତି ପାଇଥିବା ଅଶ୍ବିନୀ ପରେ ନିଶା ଇଣ୍ଡଷ୍ଟ୍ରିଆଲ ଥାନାରେ ୨ ବର୍ଷ ଓ ପରେ ୨୦୧୮ ମସିହାରୁ ୨୦୨୧ ପର୍ଯ୍ୟନ୍ତ ଅନୁଗୁଳ ଥାନାରେ ଦାୟିତ୍ଵ ତୁଲାଇଥିଲେ । ପରେ ସେ ଅନୁଗୁଳ ସାଇବର ଥାନାରେ ନିଜର କର୍ତ୍ତବ୍ୟ ସୂଚାରୁରୂପେ ପାଳନ କରି ଆସୁଛନ୍ତି । ତେବେ ଅଶ୍ଵିନୀ ରାଜ୍ଯପାଳ ପଦକ ପାଇବା ପାଇଁ ମନୋନୀତ ହେବା ଖବର ଜଣା ପଡିବା ପରେ ତାଙ୍କ ପରିବାର ଓ ସହକର୍ମୀଙ୍କ ମହଲରେ ଖୁସି ଖେଳି ଯାଇଛି ।
Advertisement
