ପିଲା ଚୋର ସନ୍ଦେହରେ ପୁଲିସକୁ ମାଡ – ଗାଁରେ ଉତ୍ତେଜନା

ଅନୁଗୁଳ – ଅନୁଗୁଳ ଜିଲ୍ଲା ବଅଁରପାଳ ଥାନା ସଞ୍ଜପଡା ଗାଁରେ ଆଜି ଏକ ଅସ୍ଵାବାଭିକ ପରିସ୍ଥିତି ସୃଷ୍ଟି ହୋଇଛି ଚୋର ଧରିବାକୁ ପୁଲିସ ସାଧା ପୋଷାକରେ ଗାଁକୁ ଯାଇଥିବା ବେଳେ ପିଲା ଚୋର ସନ୍ଦେହରେ ଗାଁ ଲୋକ ପୁଲିସକୁ ମାଡ ମାରିବା ସହ ଗାଡି ଭଙ୍ଗାରୁଜ୍ଜା କରିଥିବା ସୂଚନା ମିଳିଛି ଏହା ପରେ ଗାଁରେ ବ୍ୟାପକ ପୋଲିସ ମୃତୟନ ହୋଇଥିବା ଯୋଗୁଁ ଗିରଫ ଭୟରେ ଗାଁ ପୁରୁଷଶୂନ୍ୟ ହୋଇଥିବା ଜଣା ପଡିଛି ସୂଚନା ଅନୁସାରେ ଆଜି କିଛି ପୁଲିସ କର୍ମଚାରୀ ଜଣେ ଚୋରକୁ ଧରିବାକୁ ସାଧା ପୋଷାକରେ ଏବଂ ପୋଲିସ ଗାଡି ପ୍ରତିବଦଳରେ ଅନ୍ୟ ଏକ କାରରେ ସଞ୍ଜପଡା ଗାଁକୁ ଯାଇଥିଲେ ତେବେ ଗାଁରେ ବୁଲାବୁଲି କରୁଥିବା ବେଳେ ପିଲାଚୋର ସନ୍ଦେହ କରି ଗାଁ ଲୋକ ଏକାଠି ହେବା ସହ ମିଳିତ ଆକ୍ରମଣ କରିଥିଲେ ଗାଁ ଲୋକଙ୍କ ଆକ୍ରମଣ ବେଳେ ସେମାନେ ପୁଲିସ ପରିଚୟ ଦେବା ପରେ ମଧ୍ୟ ଗାଁ ଲୋକ ଶୁଣି ନଥିଲେ ଖବର ପାଇ ବଅଁରପାଳ ପୁଲିସ ସେଠାରେ ପହଞ୍ଚି ଯାଇଥିଲା ତେବେ ଉତ୍ତ୍ୟକ୍ତ ଲୋକ ସେମାନଙ୍କୁ ମଧ୍ୟ ମାଡ ମାରିଥିବା ସହ ଏକ ପୁଲିସ ଗାଡି ଏବଂ ପୂର୍ବରୁ ଯାଇଥିବା ପୁଲିସର ଏକ କାରକୁ ଭଙ୍ଗାରୁଜା କରିଥିଲେ ପରେ ପୁଲିସ ପ୍ଲାଟୁନ ଘଟଣା ସ୍ଥଳରେ ପହଞ୍ଚିବା ପରେ ଗାଁ ଲୋକ ଛତ୍ରଭଙ୍ଗ ଦେଇଥିବା ଜଣା ପଡିଛି ଗିରଫଦାରୀ ଭୟରେ ଗାଁ ପୁରୁଷଶୂନ୍ୟ ହୋଇ ଯାଇଛି ପରିସ୍ଥିତିକୁ ଦେଖି ଗାଁରେ ୨ ପ୍ଲାଟୁନ ଫୋର୍ସ ମୃତୟନ କରା ଯାଇଛି ଗ୍ରାମବାସୀଙ୍କ ଆକ୍ରମଣରେ ୨ ଜଣ ପୁଲିସ କର୍ମଚାରୀ ଆହତ ହୋଇଥିବା ମଧ୍ୟ ସୂଚନା ମିଳିଛି

Advertisement

Leave a Reply

Your email address will not be published. Required fields are marked *