ରାଜନୀତି ଏୟୁସିସି ବ୍ୟାଙ୍କ ନିର୍ଦେଶକ ନିର୍ବାଚନ – ବିଜେଡି ସମର୍ଥିତଙ୍କ ବାଜିମାତ Angul OnlineOctober 31, 2022October 31, 2022 ଅନୁଗୁଳ – ଅନୁଗୁଳ ସଂଯୁକ୍ତ କେନ୍ଦ୍ର ସମବାୟ ବ୍ୟାଙ୍କ୍ର ନିର୍ଦ୍ଦେଶକ ନିର୍ବାଚନରେ ବିଜେଡି ବାଜିମାତ୍ କରିଛି । ମୋଟ ୧୫ଟି ଯାକ ନିର୍ଦ୍ଦେଶକ ପଦବିରେ ବିଜେଡି ସମର୍ଥିତ ପ୍ରାର୍ଥୀ ବିପୁଳ ବିଜୟୀ ହୋଇଛନ୍ତି । ମୋଟ୍ ୧୫ଟି ଜୋନ୍ରୁ ୫ଟି ଜୋନ୍ରେ ଜଣେ ଲେଖାଏଁ ପ୍ରାର୍ଥୀ ନିର୍ବାଚନ ରଣାଙ୍ଗନରେ ରହିଥିଲେ । ସଭିଏଁ ବିଜେଡି ସମର୍ଥିତ ପ୍ରାର୍ଥୀ ହୋଇଥିବା ବେଳେ ବାକି ୧୦ଟି ଜୋନ୍ରେ ପ୍ରତିଦ୍ବନ୍ଦିତା ହୋଇଥିଲା । ୭ଟି ଜୋନ୍ରେ ଦ୍ବିମୁଖୀ , ୨ଟିରେ ତ୍ରିମୁଖୀ ଓ ଗୋଟିଏ ଜୋନ୍ରେ ୪ ଜଣ ପ୍ରାର୍ଥୀ ପ୍ରତିଦ୍ବନ୍ଦିତା କରିଥିଲେ । ଏହି ନିର୍ବାଚନ ଦଳୀୟ ଆଧାରରେ ହେଉନଥିଲେ ହେଁ ବିଜେଡି ଓ ବିଜେପି ମୁଖ୍ୟତଃ ବ୍ୟାଙ୍କ୍ ସଭାପତି ପଦବି ଉପରେ ନଜର ରଖିଥିଲେ । ଏହି ୧୫ ନିର୍ବାଚିତ ନିର୍ଦ୍ଦେଶକ ସଭାପତି ଚୟନ କରିବେ । ତେଣୁ କଳେବଳେ କୌଶଳେ ସଭାପତି ପଦ ହାତେଇବାକୁ ଦୁଇ ପ୍ରମୁଖ ପ୍ରତିଦ୍ବନ୍ଦୀ ଦଳ ପ୍ରାଣମୂର୍ଚ୍ଛା ଉଦ୍ୟମ ଚଳାଇଥିଲେ । ଅନୁଷ୍ଠିତ ନିର୍ବାଚନକୁ ଶାନ୍ତି ଶୃଙ୍ଖଳାର ସହିତ ପରିଚାଳନା କରିବାକୁ ପ୍ରଶାସନିକ ଓ ପୁଲିସ୍ ସ୍ତରରେ ବ୍ୟାପକ ପ୍ରସ୍ତୁତି କରାଯାଇଥିଲା । ଏୟୁସିସି ବ୍ୟାଙ୍କ୍ ଉଭୟ ଅନଗୁଳ ଓ ଢେଙ୍କାନାଳ ଜିଲ୍ଲାରେ କାର୍ଯ୍ୟ କରୁଥିବାରୁ ଦୁଇ ଜିଲ୍ଲାରୁ ୧୫ଟି ଜୋନ୍ରୁ ୧୫ ଜଣ ନିର୍ଦ୍ଦେଶକ ପଦବି ରହିଛି । ସମସ୍ତ ପ୍ରାଥମିକ କୃଷି ସମବାୟ କେନ୍ଦ୍ର ଓ ଅନ୍ୟ ସମବାୟ ସଂସ୍ଥାର ନିର୍ଦ୍ଦେଶକ ଭୋଟ୍ ଅଧିକାର ପାଇଥିଲେ । ତେବେ ୧୫ଟି ଜୋନ୍ ମଧ୍ୟରୁ ଜୋନ୍ ୪ ( ଅନୁଗୁଳ – ୨ ) ଜୋନ୍ – ୭ ( ତାଳଚେର ) ଜୋନ୍ – ୧୨ ( ଭୁବନ ) ଜୋନ୍ – ୧୩ ( ଗଁଦିଆ ) କୋନ୍ – ୧୫ ( ହିନ୍ଦୋଳ ) ରେ ନିର୍ଦ୍ଦେଶକ ପଦବିରେ ଯଥାକ୍ରମେ ସଂଯୁକ୍ତା ସାହୁ , ସନ୍ତୋଷ ପ୍ରଧାନ , ଅଭିମନ୍ୟୁ ବେହେରା , ପ୍ରତାପ ଚନ୍ଦ୍ର ମହାଳିକ ଓ କବିତା ସାହୁ ଅପ୍ରତିଦ୍ଵନ୍ଦୀ ରହିଥିଲେ । ଅବଶିଷ୍ଟ ୧୦ଟି ଜୋନ୍ରେ ଆଜି ଭୋଟ୍ ହୋଇଥିଲା । ଏହି ୧୦ଟି ଜୋନ୍ରେ ମୋଟ୍ ୨୦୧୫ ଜଣ ଭୋଟର୍ ରହିଥିଲେ । ଅନୁଗୁଳ ପିଟିସି ହାଇସ୍କୁଲ ପରିସରରେ ମତଦାନ କେନ୍ଦ୍ର ହୋଇଥିବା ବେଳେ ଏଠାରେ ସମସ୍ତ ବୁଥ୍ କରାଯାଇଥିଲା । ସମସ୍ତ ବୁଥ୍ ସିସିଟିଭି ନଜରରେ ରହିଥିଲା । ସକାଳ ୭ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ମତଦାନ , ପରେ ପରେ ଗଣତି ହୋଇ ଫଳାଫଳ ଘୋଷଣା କାରାଯାଇଥିଲା । ଜୋନ୍ -୧ ( ଆଠମଲ୍ଲିକ ) ପଦ୍ମାବତୀ ମହାକୁଡ଼ , ଜୋନ୍ – ୨ ( କିଶୋରନଗର ) ରୁ କବିତା ବେହେରା , ଜୋନ୍ – ୩ ( ଅନୁଗୁଳ – ୧ ) ସରୋଜ କୁମାର ନାୟକ , ଜୋନ୍ – ୫ ( ବଅଁରପାଳ ) ଜୟନ୍ତୀ ମାଝି , ଜୋନ୍ – ୬ ( ଛେଣ୍ଡିପଦା ) ନାରାୟଣ ସାହୁ , ଜୋନ୍ – ୮ ( କଣିହାଁ ) କରୁଣାକର ପ୍ରଧାନ , ଜୋନ୍ – ୯ ( ପାଳଲହଡ଼ା ) ବିଷ ପ୍ରସାଦ ଦାସ , ଜୋନ୍ – ୧୦ ( ପରଜଙ୍ଗ ) ଭୂପେଶ ଚନ୍ଦ୍ର ପ୍ରଧାନ , ଜୋନ୍ – ୧୧ ( କାମାକ୍ଷାନଗର ) ଲଳିତ ସାହୁ , ଜୋନ୍ – ୧୪ ( ଢେଙ୍କାନାଳ ) ନରୋତ୍ତମ ସାହୁ ବିଜୟୀ ହୋଇଥିବା ଘୋଷଣା କରାଯାଇଥିଲା । ସଂଗ୍ରାମ କେଶରୀ ରାଉତ ନିର୍ବାଚନ ଅଧିକାରୀ ଏବଂ ତ୍ରିଲୋଚନ ଦେହୁରୀ ସହକାରୀ ନିର୍ବାଚନ ଅଧୁକାରୀ ଭାବେ ନିର୍ବାଚନ ପରିଚାଳନା କରିଥିଲେ । Advertisement
ବିଜେପି ଛାଡିଲେ ରବି ପାଣି ଅନୁଗୁଳ – ଅନୁଗୁଳ ଜିଲ୍ଲା ତାଳଚେର ଅଞ୍ଚଳର ଜଣାଶୁଣା ତଥା ବରିଷ୍ଠ ନେତା ରବି ନାରାୟଣ ପାଣି ବିଜେପିରୁ ଇସ୍ତଫା ଦେଇଛନ୍ତି । ସେ ଭାରତୀୟ ଜନତା…
ପୌରାଧ୍ୟକ୍ଷ ପାଇଁ ୩ ଓ କାଉନସିଲର ପାଇଁ ୧୯ ଜଣଙ୍କ ନାମାଙ୍କନ ଦାଖଲ ଅନୁଗୁଳ – ଅନୁଗୁଳ ପୌରପାଳିକାର ପୌରାଧକ୍ଷ ପଦବୀ ପାଇଁ ରବିବାର ଦିନ ୩ ଜଣ ନାମାଙ୍କନ ପତ୍ର ଦାଖଲ କରିଥିବା ବେଳେ ୧୯ ଜଣ କାଉନସିଲର ପଦବୀ…
ବିଜେଡି ଟିକେଟରେ ଲଢ଼ିବେ କି ତଥାଗତ ଶତପଥୀ !! ଭୁବନେଶ୍ୱର – ଢେଙ୍କାନାଳ ଲୋକସଭା ଆସନରୁ ପୁଣି ବିଜେଡି ଟିକେଟରେ ଲଢ଼ିବେ କି ତଥାଗତ ଶତପଥୀ ? ନା କୌଣସି ବିଧାନସଭା ଆସନରୁ ବିଧାୟକ ପ୍ରାର୍ଥୀ ହେବେ…