ଅନୁଗୋଳ – ଓଡିଶା ପ୍ରଦେଶ ଯୁବ କଂଗ୍ରେସ ପକ୍ଷରୁ ସମସ୍ତ ପଦବୀ ନିମନ୍ତେ ସାଙ୍ଗଠନିକ ନିର୍ବାଚନ ଅନୁଷ୍ଠିତ ହୋଇଥିଲା । ଏହି କ୍ରମରେ ଅନୁଗୋଳ ଜିଲ୍ଲା ଯୁବ କଂଗ୍ରେସ ସଭାପତି ନିମନ୍ତେ ମଧ୍ୟ ନିର୍ବାଚନ ହୋଇଥିଲା । ଯୁବ କଂଗ୍ରେସ ସହ ୩୫୦୧ ଜଣ ସଦସ୍ୟ ଯୋଡି ହୋଇ ଅନଲାଇନରେ ନିଜର ମତ ସାବ୍ୟସ୍ତ କରିଥିଲେ । ଏହି ନିର୍ବାଚନରେ ମୋଟ ୪ ଜଣ ଯୁବ ନେତା ପ୍ରତିଦ୍ଵଦିତା କରିଥିବା ବେଳେ ବିଶ୍ୱରଂଜନ ପାଣିଗ୍ରାହୀ ୧୬୭୭ ଭୋଟ, ବାପୁନ ଦେହୁରୀ ୭୯୧ ଭୋଟ,ପ୍ରତାପ ଭୁକ୍ତା ୭୦୧ ଖଣ୍ଡ ଭୋଟ ଓ ଅଭିଷେକ ନାଏକ ୨୭୪ ଖଣ୍ଡ ଭୋଟ ପାଇଥିଲେ । ବିଶ୍ଵରଞ୍ଜନ ପାଣିଗ୍ରାହୀ ସର୍ବାଧିକ ଭୋଟ ପାଇ ସଭାପତି ନିର୍ବାଚିତ ହୋଇଛନ୍ତି ।
ପୂର୍ବରୁ ବିଶ୍ୱରଞ୍ଜନ ଅନୁଗୋଳ ଜିଲ୍ଲା ଛାତ୍ର କଂଗ୍ରେସ ସଭାପତି ଭାବେ କାର୍ଯ୍ୟ ସଂପାଦନ କରିଛନ୍ତି । ଏହି ବିଜୟ ପରେ ସେ ଜିଲ୍ଲାର ସମସ୍ତ ଯୁବ କଂଗ୍ରେସ ସଦ୍ୟସ ଓ ଅନୁଗୋଳ ଜିଲ୍ଲା କଂଗ୍ରେସ ସଭାପତି ସଂଗ୍ରାମ ମିଶ୍ର ,ଜିଲ୍ଲା କଂଗ୍ରେସ ର ପୂର୍ବତନ ସାଧାରଣ ସଂପାଦକ ବଲବୀର ସିଂ,ପୂର୍ବତନ ଓଡିଶା ପ୍ରଦେଶ ଯୁବ କଂଗ୍ରେସ ଉପ ସଭାପତି ବିମଳ ବେହେରା ଓ ପୂର୍ବତନ ଜିଲ୍ଲା ଯୁବ କଂଗ୍ରେସ ସଭାପତି ଲୁଟୁ ରଞ୍ଜନ ଥାପା ଙ୍କୁ ଧନ୍ୟବାଦ ଜ୍ଞାପନ କରିବା ସହ ବିଭିନ୍ନ ମହଲ ରୁ ବିଶ୍ୱରଂଜନ ଙ୍କୁ ଶୁଭେଚ୍ଛାର ସୁଅ ଶୁଟିଛି ।
Advertisement
