ମୁଖ୍ୟ ଖବର ଗାଡି ଧକ୍କାରେ ନାବାଳକ ମୃତ – ଦୁଇ ଜେସିବି ମେସିନ ପୋଡିଲେ ଉତ୍ତ୍ୟକ୍ତ ଲୋକ Angul OnlineSeptember 24, 2021September 24, 2021 ଛେଣ୍ଡିପଦା – ଅନୁଗୁଳ ଜିଲ୍ଲା ନିଶା ଥାନା କାଳିଆକଟା ଗାଁରେ ରାସ୍ତା କାର୍ଯ୍ୟ ଚଲୁଥିବା ବେଳେ ହାଇଓ୍ବା ଟ୍ରକ ମାଟି ପକାଉଥିବା ବେଳେ ଚାପି ହୋଇ ଜଣେ ନାବାଳକଙ୍କର ମୃତ ହୋଇଥିଲା । ଆଉ ଏହାକୁ ନେଇ ଉତ୍ତେଜନା ପରିସ୍ଥିତି ଦେଖାଦେବା ସହ ଉତ୍ୟକ୍ତ ଲୋକ ଦୁଇଟି ଜେସିବି ମେସିନ ପୋଡି ଦେଇଥିବା ଜଣା ପଡିଛି । ସୂଚନା ଅନୁସାରେ କାଳିଆକଟା ଗାଁରେ ରାସ୍ତା କାମ ଚାଲିଥିବା ବେଳେ ସେହି ଗ୍ରାମର ୧୫ ବର୍ଷୀୟ ବାଳକ ସୁଜିତ ପ୍ରଧାନ ଛିଡା ହୋଇ କାମ ଦେଖୁଥିଲେ । ସେହି ସମୟରେ ଏକ ହାଇୱା ଟ୍ରକ ରାସ୍ତା ଉପରେ ଗାଡି ପଛକୁ ନେଇ ମାଟି ପକାଇଥିଲା । ଆଉ ସେହି ମାଟି ଭିତରେ ସୁଜିତ ଚାପି ହୋଇ ଯାଇଥିଲା ଏବଂ ସୁଜିତଙ୍କର ମୃତ୍ୟୁ ହୋଇଥିଲା । ଘଟଣା ଜଣା ପଡିବା ପରେ ସ୍ଥାନୀୟ ଲୋକମାନେ ତୁରନ୍ତ ଘଟଣାସ୍ଥଳକୁ ଆସି ମାଟିରୁ ନାବାଳକଙ୍କୁ ଉଦ୍ଧାର କରିଥିଲେ । ଆଉ ସୁଜିତର ମୃତ୍ୟୁକୁ ନେଇ ଗ୍ରାମରେ ଉତ୍ତେଜନା ଦେଖାଦେବା ସହିତ ଉତ୍ୟକ୍ତ ଲୋକେ କାର୍ଯ୍ୟ କରୁଥିବା ଦୁଇଟ ଜେସିବି ମେସିନକୁ ପୋଡି ଦେଇଥିଲେ । ଫଳରେ ଘଟଣା ସ୍ଥଳରେ ଉତେଜନା ଲାଗି ରହିଥିଲା । ଖବର ପାଇ ଅନୁଗୁଳ ଉପ-ଜିଲାପାଳ ବାସୁଦେବ ଶତପଥୀ ,ଛେଣ୍ଡିପଦା ତହସିଲଦାର ଡାନିଏଲ ଏକ୍କା ,ଅନୁଗୁଳ ଏସଡିପିଓ ଭବାନିଶଙ୍କର ଉଦଗାତା ଓ ନିଶା ଶିଳ୍ପାଞ୍ଚଳ ଥାନା ଅଧିକାରୀ ପ୍ରିୟବ୍ରତ ଦାଶ ପ୍ରମୁଖ ପହଁଚି ଉତ୍ୟକ୍ତ ଲୋକ ମାନଙ୍କ ସହିତ ଆଲୋଚନା କରିଥିଲେ । ଦୀର୍ଘ ୩ ଘଣ୍ଟା ଆଲୋଚନା ପରେ ପ୍ରଶାସନ ପକ୍ଷରୁ ମୃତକଙ୍କ ପରିବାରକୁ କ୍ଷତିପୂରଣ ରାଶି ପ୍ରଦାନ କରାଯିବା ସହିତ ସ୍ଥାନୀୟ ଶିଳ୍ପାଞ୍ଚଳରେ ଜଣକୁ ନିଯୁକ୍ତି ଦେବା ନିମନ୍ତେ ପ୍ରତିଶ୍ରୁତି ଦେବା ପରେ ପରିସ୍ଥିତି ଶାନ୍ତ ପଡିଥିଲା । ଏ ନେଇ ନିଶା ଶିଳ୍ପାଞ୍ଚଳ ଥାନା କେସ ନଂ ୨୦୬ ଦଫା ୩୦୪ (ଏ)ରେ ମାମଲା ରୁଜୁ କରିବା ସହିତ ଶବକୁ ଜବତ କରି ବ୍ୟବଛେଦ ନିମନ୍ତେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ଘଟଣାର ତଦନ୍ତ କରା ଯାଉଛି ବୋଲି ଥାନା ଅଧିକାରୀ ପ୍ରିୟବ୍ରତ ଦାଶ ପ୍ରକାଶ କରିଛନ୍ତି । Advertisement
କାର୍ବନ ଏଣ୍ଡ କେମିକାଲ ଫ୍ୟାକ୍ଟେରିରେ ଅଗ୍ନିକାଣ୍ଡ – ଲକ୍ଷାଧିକ ଟଙ୍କା ମୂଲ୍ୟର ଯନ୍ତ୍ରାଂଶ ନଷ୍ଟ ଅନୁଗୁଳ – ଅନୁଗୁଳ ଜିଲ୍ଲା ଏକଘରିଆ ନିକଟରେ ଥିବା ଜାଲାନ କାର୍ବନ ଏଣ୍ଡ କେମିକାଲ ଫ୍ୟାକ୍ଟେରିରେ ବିଳମ୍ବିତ ରାତିରେ ଅଗ୍ନିକାଣ୍ଡ ଘଟିଛି । ଫଳରେ ଲକ୍ଷାଧିକ ଟଙ୍କା…
ଜମିହରାଙ୍କୁ ମିଳିନି କ୍ଷତିପୂରଣ – ତିନି ଅଧିକାରୀଙ୍କ ଦରମା ବନ୍ଦ ପାଇଁ ନିର୍ଦେଶ ଦେଲେ ଉଚ୍ଚ ନ୍ୟାୟାଳୟ ଅନୁଗୋଳ – ଜଳ ସେଚନ ପ୍ରକଳ୍ପ ପାଇଁ ଜମି ହରାଇଲେ । ତେବେ ସେହି କ୍ଷତିଗ୍ରସ୍ତ ଜମି ମାଲିକଙ୍କୁ ଏ ଯାଏଁ କ୍ଷତିପୂରଣ ମିଳିଲା ନାହିଁ ।…
ଅର୍ଥନୈତିକ ଅବରୋଧ ଯୋଗୁଁ କୋଇଲା ଉତ୍ପାଦନ ଓ ପରିବହନ ଠପ – ଆଲୋଚନା ପରେ ପ୍ରତିଶ୍ରୁତି ପାଇ ଆନ୍ଦୋଳନ ପ୍ରତ୍ୟାହୃତ ଅନୁଗୁଳ – ୫ଦଫା ଦାବୀ ନେଇ ତାଳଚେର ସୁରକ୍ଷା ମଞ୍ଚ ପକ୍ଷରୁ ଆଜି ସକାଳୁ ଅର୍ଥନୈତିକ ଅବରୋଧ କରାଯାଇଥିଲା । ମଞ୍ଚର କାର୍ଯ୍ୟକର୍ତାମାନେ ତାଳଚେରସ୍ଥିତ ଏମସିଏଲର ବିଭିନ୍ନ…