ଅନୁଗୁଳ – ଅନୁଗୁଳ ଅବକାରୀ ବିଭାଗକୁ ପୁଣି ଏକ ସଫଳତା ମିଳିଛି । ବିଶ୍ୱସ୍ତ ସୂତ୍ରରୁ ଖବର ପାଇ ଅବକାରୀ ବିଭାଗ ଛଡାଉ କରି ୬୦ ଗ୍ରାମ ବ୍ରାଉନସୁଗାର ଜବତ କରିବା ସହ ଜଣକୁ ଗିରଫ କରିବାରେ ସଫଳ ହୋଇଛି । ସୂଚନା ଅନୁସାରେ ଗୁରୁବାର ସକାଳେ ନାଲକୋନଗର ଥାନା ଅନ୍ତର୍ଗତ ବଳରାମ ପ୍ରସାଦ ର ୨୪ ବର୍ଷୀୟ ସୌଭାଗ୍ୟ ସୁବୁଦ୍ଧି ଓରଫ ସନା ବ୍ରାଉନ ସୁଗାର ନେଇ ଯାଉଥିବାର କୌଣସି ବିଶ୍ୱସ୍ଥ ସୂତ୍ରରୁ ଖବର ପାଇ ଅନୁଗୁଳ ଅବକାରୀ ବିଭାଗ ମୋବାଇଲ ଇନ୍ସପେକଟର କୌଶଲ୍ୟ ଜେନା ତାକୁ ଧରିବା ପାଇଁ ତାର ପିଛା କରିଥିଲେ ।ଇନ୍ସପେକ୍ଟର ଶ୍ରୀ ଜେନା ତାର ପିଛା କରି ଅମାନ୍ତପୁର ସ୍ଥିତ ନାଳୁ ବାବା ମଠ ନିକଟରେ ସୌଭାଗ୍ୟକୁ ଗିରଫ କରିଥିଲେ । ଜାଞ୍ଚ ବେଳେ ସୌଭାଗ୍ୟଠାରୁ ୬୦ ଗ୍ରାମ ବ୍ରାଉନସୁଗାର ଜବତ କରା ଯାଇଥିଲା । ଯାହାର ଆନୁମାନିକ ମୂଲ୍ୟ ପ୍ରାୟ ୬ ଲକ୍ଷ ଟଙ୍କା ହେବ । ଅବକାରୀ ବିଭାଗ ସୁବୁଦ୍ଧିକୁ ଗିରଫ କରି କୋର୍ଟ ଚାଲାଣ କରିଛି ।