ନାଲକୋ ନଗର – ଅନୁଗୁଳ ଜିଲ୍ଲା ନାଲକୋ ଆଦର୍ଶ ଥାନା ଅଞ୍ଚଳର ଜଣେ ଯୁବକ ଧଳା ଜହର ବ୍ୟବସାୟ କରୁଥିବା ଅଭିଯୋଗରେ ନାଲକୋ ପୁଲିସ ଗିରଫ କରିଛି । ସୂଚନା ନାଲକୋ ପୁଲିସ ଆଜି ସକାଳ ୧୦ଘଟିକା ସମୟରେ ବିଶେଷ ସୂତ୍ରରୁ ଖବର ପାଇ ଅନେକ ଦିନ ଧରି ଧଳା ଜହର ବ୍ୟବସାୟ କରୁଥିବା  କନିଆବେଡା ଗ୍ରାମର ଗୋଲଖ ସାହୁଙ୍କ ପୁତ୍ର ଅନୀଲ କୁମାର ସାହୁ(୨୮)କୁ କାବୁ କରିଥିଲା । ପୁଲିସ ସୂଚନା ମୁତାବକ ଗୋଲଖ ଦୀର୍ଘ ଦିନ ଧରି  ଧଳା ଜହର ବ୍ୟବସାୟ କରି ଆସୁଥିଲା । ନାଲକୋ ଅଞ୍ଚଳରେ ଖୁଲମଖୁଲା ପୁଲିସ ଆଖିରେ ଧୂଳି ଦେଇ ଏହି ବ୍ୟବସାୟ କରି ଆସୁଥିଲା । କଲେଜ ପଢୁଆ ପିଲାଙ୍କୁ ଟାର୍ଗେଟରେ ରାଖୀ ସେ ଏହି ଧଳା ଜହର ବ୍ୟବସାୟ ଚଲାଉ ଥିଲା । ଶନିବାର ଦିନ କନିଆବେଡା ଶିବ ମନ୍ଦିର ନିକଟରେ ଥିବା ରାସ୍ତା କଡରେ ଗ୍ରାହକଙ୍କୁ ଅପେକ୍ଷା କରିଥିବା ଖବର ପାଇ ପୁଲିସ ଚଢାଉ କରି ତାକୁ କାବୁ କରିଥିଲା । ଅନୀଲଙ୍କ ଠାରୁ ନଗଦ ୩.୦ଗ୍ରାମର ଧଳାଜହର ଓ ମୋବାଇଲ ଫୋନ , ମୋଟରସାଇକେଲ (ଓଆର-୧୫-ଏଚ-୦୫୭୩) ଓ  ନଗଦ ୭ ହଜାର ଶହେ ଟଙ୍କା ଜବତ କରି କୋର୍ଟ ଚାଲାଣ କରିଥିବା ପୁଲିସ ସୂଚନା ଦେଇଛି ।