କଣିହାଁ – ଅନୁଗୁଳ ଜିଲ୍ଲା କଣିହାଁ  ଥାନା କଂସମୁଣ୍ଡା ଗାଁ ନିକଟରୁ ଗତକାଲି ରାତିରେ  ଚୋରାକେନ୍ଦୁପତ୍ର ନେଇଯାଉଥିବା ଏକ  କାରକୁ ବନବିଭାଗ ଜବତ କରିଛି । ଘଟଣା ସ୍ଥଳରୁ ଚାଳକ ଫେରାର ହୋଇ ଯାଇଥିବା ଜଣା ପଡିଛି । ସୂଚନା ଅନୁସାରେ ଗତ କାଲିରାତି ସାଢ଼େ ପ୍ରାୟ ୨ଟା ବେଳେ କର୍ମଚାରୀମାନେ ପେଟ୍ରୋଲିଂ କରୁଥିବା ସମୟରେ ଏକ ଚୋରା କେନ୍ଦୁପତ୍ର ବୋଝେଇ ସ୍ବିଫଟ ଡିଜିଆର କାର (ଜେଏଚ -୦୫ – ଏଲ -୮୪୦୦)କୁ କଂସମୁଣ୍ଡା ଗାଁ ନିକଟରେ ଜାଞ୍ଚ କରାଯାଇଥିଲା । ଜାଞ୍ଚ ବେଳେ କାରଚାଳକ ଘଟଣାସ୍ଥଳରୁ ଫେରାର ହୋଇଯାଇଥିଲା । କାର ଭିତରୁ ୪୫ ବଣ୍ଡଲ କେନ୍ଦୁପତ୍ର ଥିବା ବନ ବିଭାଗ ଦେଖି ତାକୁ ଜବତ କରିଥିଲା । ଜବତ କେନ୍ଦୁପତ୍ରର ବଜାର ଦର ୪୫ ହଜାର ଟଙ୍କା ହେବ ବୋଲି ଜଣା ପଡିଛି । ଗତ ଦୁଇଦିନ ପୂର୍ବରୁ କଣିହାଁ ବନବିଭାଗ କଣିହାଁ ଥାନା ବଡ଼ଗୁଣ୍ଡୁରୀ ଗାଁ ହାଇସ୍କୁଲ ପାଖରୁ ଏକ ଚୋରା କେନ୍ଦୁପତ୍ର ବୋଝେଇ ବଲେରୋକୁ ମଧ୍ୟ ଜବତ କରିଥିଲେ ।