କଣିହାଁ  – ଅନୁଗୁଳ ଜିଲ୍ଲା କଣିହାଁ ବ୍ଲକର ଉଭୟ କଣିହାଁ ଓ ସମଲ ଥାନା ଇଲାକାରେ ଥମିବାର ନାଁ ନେଉନି ଚୋରା କୋଇଲା କାରବାର । ବୁଧବାର ଉଭୟ ଥାନା ଇଲାକାରୁ ବିପୁଳ ପରିମାଣର ଚୋରା କୋଇଲା ଜବତ ସହ ୧୪ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରାଯାଇଛି । ପୁଲିସ୍ ସୂଚନା ମୁତାବକ , କଣିହାଁ ଥାନା ପୁଲିସ୍ ଆଜି କୁମୁଣ୍ଡା ସିଙ୍ଗିଡାରେ ଆତର୍କିତ ଚଢ଼ାଉ କରିଥିଲା । ଚଢ଼ାଉ ବେଳେ ୬ ଅଭିଯୁକ୍ତଙ୍କୁ କାବୁ କରିବା ସହ ୧୦ ଟନ୍‌ କୋଇଲା , ଗୋଟିଏ କ୍ରୋ ବର ଓ ବାଇକ୍ ଜବତ କରିଥିଲା । ଗିରଫ ଅଭିଯୁକ୍ତ ମାନେ ହେଲେ କଣିହାଁ ଥାନା କୁମୁଣ୍ଡା ଗ୍ରାମର ନରିସାହୁ , ବିସାହୁ , ପ୍ରଫୁଲ ବେହେରା , ଦୁଷ୍ମନ୍ତ ପ୍ରଧାନ , ଲୋକନାଥ ସାହୁ ଓ ସୁମର ସାହୁ ବୋଲି ଥାନା ଆଇଆଇସି ରାଜେନ୍ଦ୍ର ନାରାୟଣ ପଟ୍ଟନାୟକ ସୂଚନା ଦେଇଛନ୍ତି । ସେହିପରି ସମଲ ପୁଲିସ୍ ସ୍ଥାନୀୟ ବ୍ୟାରେଜ୍ ଟୋଲ ଗେଟ୍ ଠାରେ ପେଟ୍ରୋଲିଂ କରୁଥିବା ବେଳେ ଆଜି ସକାଳେ ୮ଟି କୋଇଲା ବୋଝେଇ ସ୍କୁଟର ସହିତ ମୋଟ୍ ୨୪କୁଇଣ୍ଟାଲ ଚୋରା କୋଇଲା ଜବତ କରିଥିଲା । ଏଥି ସହିତ ସମଲ ଥାନା କୁଲେଇ ଗ୍ରାମର କାଳଦୀ ପ୍ରଧାନ ( ୪୬ ) , ଅରୁଣ ସାମଲ ( ୨୪ ) , ପ୍ରଶାନ୍ତ ସାମଲ ( ୨୬ ) , ପ୍ରଶାନ୍ତ ବେହେରା ( ୩୦ ) , ଅର୍ଜୁନ ମହାରି ( ୪୧ ) ଏବଂ ମହିଧରପୁର ଗ୍ରାମର ସୁବାସ ଚନ୍ଦ୍ର ପ୍ରଧାନ ( ୪୫ ) , ପଙ୍କଜ ଲୋଚନ ପ୍ରଧାନ ( ୪୦ ) ଏବଂ ବାରୁଆଁ ଗ୍ରାମର ବସନ୍ତ ନାଏକ ( ୨୮ କୁ ଗିରଫ କରି କୋର୍ଟବାଲାଣ କରିଛି । ପୁଲିସ ସୁତ୍ରରୁ ପ୍ରକାଶେ ଯ , ସମସ୍ତ ଅଭିଯୁକ୍ତ ବଲାଙ୍ଗି ସାଇଡିଙ୍ଗ ଦିଗରୁ ସମଲ ଚକ୍ରଶିଳା କଲୋନୀ ଦେଇ ବ୍ରିଜ୍ ଅଭିମୁଖେ ଯଉଥିବା ବେଳେ ଧରା ପଡ଼ିଛନ୍ତି ।