ଅନୁଗୁଳ – ଅନୁଗୁଳ ଜିଲ୍ଲାରେ ଅଦିନିଆ ବର୍ଷା ଚାଷୀଙ୍କ ମେରୁଦଣ୍ଡ ଭାଙ୍ଗି ଦେଇଛି । ଅଦିନିଆ ବର୍ଷା ଯୋଗୁଁ ଧାନ ଜମିରେ ପାଣି ଏବେ ମଧ୍ୟ ଜମି ରହଛି । ଯାହା ଫଳରେ ଧାନ ଅମଳ କରି ନପାରି ଚାଷୀ କ୍ଷତି ସହୁଛି । ଏହି ଅଦିନିଆ ବର୍ଷା ପାଇଁ ହୋଇଥିବା ଧାନ ଓ ପନିପରିବା ଚାଷ କ୍ଷୟକ୍ଷତିର ଉପଯୁକ୍ତ କ୍ଷତିପୂରଣ ପାଇଁ ଦାବି କରିବା ଅନୁଗୁଳ ଜିଲ୍ଲା କଂଗ୍ରେସ କମିଟି ପକ୍ଷରୁ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରାଯାଇଛି କଂଗ୍ରେସ କମିଟି । ସୂଚନା ଯେ, ଅନୁଗୁଳ ଜିଲ୍ଲା ଖଣି ଖାଦାନରେ ଭରି ରହିଥିବା ସତ୍ବେ ଏକ ଚାଷ ସମୃଦ୍ଧ ଜିଲ୍ଲା ଭାବେ ମଧ୍ୟ ପରିଗଣିତ ହୋଇ ରହିଛି । ତେବେ ବିଭିନ୍ନ ସମୟରେ ଜଙ୍ଗଲି ଜୀବ ଓ ଅଦିନିଆ ବର୍ଷାରେ ବିଭିନ୍ନ ଅଂଚଳରେ କ୍ଷୟକ୍ଷତି ହୋଇଛି। ଏହି ଚାଷ ପାଇଁ ଚାଷୀ ମାନେ ବ୍ୟାଙ୍କ୍ ରୁ ଋଣ ଆଣି ଚାଷ କରିଥାନ୍ତି l ଚଳିତ ବର୍ଷ ଅଦିନିଆ ବର୍ଷା ଯୋଗୁଁ ଚାଷୀ କୂଳ ହତାସ ହୋଇ ପଡିଛି। ଏହି ଘଟଣାକୁ ଗୁରୁତର ସହ ନେଇ ଜିଲ୍ଲା କଂଗ୍ରେସ କମିଟିର ସଭାପତି ଅମ୍ବିକା ପ୍ରସାଦ ଭଟ୍ଟଙ୍କ ନେତୃତ୍ୱରେ ଏକ ଦଳ ଆସି ଅନୁଗୁଳ ଅତିରିକ୍ତ ଜିଲ୍ଲାପାଳ ପ୍ରତାପ ପ୍ରୀତିମୟଙ୍କୁ ଭେଟିବା ସହ ଦାବିପତ୍ର ପ୍ରଦାନ କରି ଜିଲ୍ଲାର ସମ୍ପୁର୍ଣ୍ଣ ତଦନ୍ତ କରିବା ଓ ଚାଷୀ କୁ ଉପଯୁକ୍ତ କ୍ଷତିପୂରଣ ଦେବା ପାଇଁ ଦାବି କରିଛନ୍ତି।
