ବିଦ୍ୟୁତ ଆଘାତରେ ଠିକା କର୍ମଚାରୀଙ୍କ ମୃତ

ତାଳଚେର – ଖୁଣ୍ଟରେ ଚଢି କାମ କରୁଥିବା ବେଳେ ବିଦ୍ୟୁତ ଆଘାତରେ ଜଣେ ଠିକା କର୍ମଚାରୀଙ୍କ ମୃତ୍ୟୁ ହୋଇଛି । ମୃତ କର୍ମଚାରୀ ଜଣଙ୍କ ହେଲେ ରେଙ୍ଗାଳି ଅଞ୍ଚଳର ନଗେନ କୁମାର ସାହୁ । ସୂଚନା ଅନୁସାରେ ନଗେନ ଆଜି ସକାଳେ ତାଳଚେର ରେମୁଆଁ ଅଞ୍ଚଳରେ ବିଦ୍ୟୁତ ସରବରାହରେ ତ୍ରୁଟି ଥିବା ଯୋଗୁଁ ଖୁଣ୍ଟରେ ଚଢି କାମ କରୁଥିଲେ । ତେବେ ହଠାତ ବିଦ୍ୟୁତ ଆଘାତ ଲାଗିବାରୁ ସେ ଖୁଣ୍ଟରୁ ଛିଟିକି ପଡ଼ିଥିଲେ । ତାଙ୍କୁ ଗୁରୁତର ଅବସ୍ଥାରେ ତାଳଚେର ମଣ୍ଡାପାଳ ଡାକ୍ତରଖାନାରେ ଭର୍ତ୍ତି କରା ଯାଇଥିଲା । ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ନଗେନଙ୍କର ଏଭଳି ମୃତ୍ୟୁ ଯୋଗୁଁ ଅସନ୍ତୋଷ ଦେଖା ଦେଇଛି । ଟାଟା ବିଦ୍ୟୁତ ବିତରକ ସଂସ୍ଥାର ଅବହେଳା ପାଇଁ ନଗେନଙ୍କର ମୃତ୍ୟୁ ହୋଇଥିବା ଅଭିଯୋଗ କରି ପରିବାର ଲୋକ କ୍ଷତିପୂରଣ ଦାବି କରିଛନ୍ତି ।

Advertisement