ଭୁବନେଶ୍ଵର – ଅନୁଗୁଳ ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଥିବା ବେଳେ ଆଜି ଏହି ଅଦୃଶ୍ୟ ଭୂତାଣୁ ୫ ଜଣଙ୍କ ଜୀବନ ନେଇଛି । ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ହୋଇଥିବା ଟ୍ଵିଟରୁ ଏହା ସ୍ପଷ୍ଟ ହୋଇଛି । ମୃତକ ମାନଙ୍କ ମଧ୍ୟରେ ଜଣେ ୫୮ ବର୍ଷୀୟ ପୁରୁଷ , ଜଣେ ୩୭ ବର୍ଷୀୟ ଯୁବକ , ଜଣେ ୮୦ ବର୍ଷୀୟ ବୃଦ୍ଧ , ଜଣେ ୫୭ ବର୍ଷୀୟ ମହିଳା ଓ ଜଣେ ୯୧ ବର୍ଷୀୟ ବୃଦ୍ଧ ଅଛନ୍ତି । ୯୧ ବର୍ଷୀୟ ବୃଦ୍ଧ ଜଣଙ୍କ ଡାଇବେଟିସ ଏବଂ ଉଚ୍ଚ ରକ୍ତଚାପରେ ପୀଡିତ ଥିବା ଟ୍ଵିଟରେ ଉଲ୍ଲେଖ କରାଯାଇଛି । ଅନୁଗୁଳ ଜିଲ୍ଲାରେ ପୂର୍ବରୁ ୭୯ ଜଣଙ୍କର କରୋନା ଜନିତ ମୃତ୍ୟୁ ହୋଇଥିଲା । ଆଜି ଏହି ୫ ଜଣଙ୍କର ମୃତ୍ୟୁ ପରେ ଏହି ସଂଖ୍ୟା ୮୪ ରେ ପହଞ୍ଚିଛି । ଏଭଳି ପରିସ୍ଥିତିରେ ସରକାରଙ୍କ ଲକଡାଉନ ନିୟମକୁ ମାନିବା ସହ ଅତି ଜରୁରୀ କାମ ନଥିଲେ ବାହାରକୁ ନ ବାହାରିବା ପାଇଁ ଅନୁରୋଧ କରା ଯାଉଛି ।
Advertisement
