ନକଲି ମୃଦୁ ପାନୀୟ (ଲିଚି) କାରଖାନା ସିଲ କଲା ଜିଲ୍ଲା ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ

ତାଳଚେର – ଅନୁଗୁଳ ଜିଲ୍ଲା ତାଳଚେର ହାଟତୋଟା ଠାରେ ଥିବା ଏକ ନକଲି ମୃଦୁ ପାନୀୟ କାରଖାନାରେ ଜିଲ୍ଲା ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଚଢ଼ାଉ କରା ଯାଇ ବିପୁଳ ପରିମାଣର ନକଲି ଲେବଲ ସାଙ୍ଗଙ୍କୁ କଞ୍ଚାମାଲ ଜବତ କରିବା ସହ କାରଖାନାକୁ ସିଲ କରା ଯାଇଛି । ସୂଚନା ଅନୁସାରେ ତାଳଚେର ହାଟତୋଟା ଠାରେ ଜ୍ୟୋତି ରଞ୍ଜନ ବିଶ୍ୱାଳ ନାମକ ଜଣେ ବ୍ୟକ୍ତି ତାଙ୍କ ଘରେ ଅନେକ ଦିନ ହେଲା ନକଲି ମୃଦୁ ପାନୀୟ (ଲିଚି) ପ୍ୟାକିଂ କରି ଅନ୍ୟ କମ୍ପାନୀର ଲୋଗୋ ଲଗାଇ ବଜାରରେ ବିକ୍ରି କରୁଥିଲେ । ଏ ନେଇ ଜିଲ୍ଲା ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଖବର ପାଇ ଆଜି ପୁଲିସ ସହାୟତାରେ ଚଢ଼ାଉ କରିଥିଲେ । ଚଢ଼ାଉ ବେଳେ ଏହି କମ୍ପାନୀର କୌଣସି ଲାଇସେନ୍ସ ନଥାଇ ଚାଲୁଥିବା ଜାଣିବାକୁ ମିଳିଥିଲା । ଏହା ସହ ଅନ୍ୟ କମ୍ପାନୀର ଲେବଲ ଲଗାଇ ବଜାରରେ ବିକ୍ରି କରା ଯାଉଥିବା ଜଣା ପଡ଼ିଛି । କାରଖାନାରୁ ବିପୁଳ ପରିମାଣର କଞ୍ଚାମାଲ ମାଲ ସମେତ ମୃଦୁପାନୀୟ ଡବା , ଲେବଲ , ସିଲ ମେସିନ ଆଦି ଜବତ କରାଯାଇଛି । ମାଲିକ ଜ୍ୟୋତି ରଞ୍ଜନ ବିଶ୍ୱାଳ ଫେରାର ଥିବା ବେଳେ ପୁଲିସ କାରଖାନାକୁ ସିଲ କରିଛି । ମୃଦୁ ପାନୀୟ ସାମ୍ପଲ କଲେକ୍ସନ କରି ଟେଷ୍ଟିଂ ପାଇଁ ପଠା ଯାଇଛି । ସେପଟେ ପୁଲିସ ଘଟଣାର ଅଧିକ ତଦନ୍ତ କରୁଛି ।

Advertisement