ଭୁବନେଶ୍ବର – ଦିନକୁ ଦିନ ସାଇବର ଲୁଟ୍ ଅପରାଧ ବୃଦ୍ଧି ପାଉଥିବା ବେଳେ ପୁଲିସକୁ ଏକ ବଡ ସଫଳତା ମଧ୍ୟ ମିଳିଛି । ପୁଲିସର ଉଦ୍ୟମ ହେତୁ ସାଇବର ଲୁଟେରାଙ୍କ ଏକ ତରିକା ଫେଲ ମାରିଛି , ଆଉ ଅନଲାଇନ୍ ଲୁଟେରାଙ୍କ ଆକାଉଣ୍ଟ୍ ବ୍ଲକ କରି ପୀଡ଼ିତଙ୍କ ୩ ଲକ୍ଷ ଟଙ୍କା ଉଦ୍ଧାର କରିଛି । ମୋବାଇଲ୍ ଟାୱାର ନିର୍ମାଣ ନାଁରେ ଅନୁଗୁଳର ଜଣେ ବ୍ୟକ୍ତିଙ୍କ ଠାରୁ ସାଇବର ଲୁଟେରା ମାନେ ଏହି ଟଙ୍କା ଠକି ନେଇଥିଲେ । ସୂଚନା ଅନୁସାରେ ଅନୁଗୁଳର ବସନ୍ତ ଛତର ନାମକ ଜଣେ ବ୍ୟକ୍ତିଙ୍କ ଠାରେ ମୋବାଇଲ୍ ଟାୱାର ବସାଇବା ନାଁରେ , ସାଇବର ଠକ ତାଙ୍କ ଆକାଉଣ୍ଟରୁ ୩ ଲକ୍ଷ ୫୦ ହଜାର ଟଙ୍କା ଲୁଟି ନେଇଥିଲେ । ଏହାପରେ ଠକେଇର ଶିକାର ହୋଇଥିବା ବସନ୍ତ ଛତର ତୁରନ୍ତ ଭୁବନେଶ୍ୱର ସାଇବର ସେଲରେ ଅଭିଯୋଗ କରିଥିଲେ । ଅଭିଯୋଗ ପାଇବା ପରେ ସାଇବର ସେଲ ଅନଲାଇନ ଲୁଟେରାଙ୍କ ଆକାଉଣ୍ଟ ବ୍ଲକ କରି ୩ ଲକ୍ଷ ଟଙ୍କା ଫେରାଇଥିଲା ।