ଅନୁଗୁଳ – ଡ୍ରେନରେ ପଡି ଜୀବନ ଗଲା । ଅନୁଗୁଳ ଜିଲ୍ଲା ବନ୍ତଳା ଥାନା ପୋକତୁଙ୍ଗା ଗ୍ରାମର ହରିଜନ ସାହିରେ ନବ ବର୍ଷ ପାଳନ ବେଳେ ଡ୍ରେନରେ ପଡ଼ି ଜଣଙ୍କ ଜୀବନ ଯାଇଛି । ମୃତକ ସେହି ସାହିର ମଙ୍ଗୁଳୁ ଗୋଛାୟତ ବୋଲି ଜଣାଯାଇଛି । ସୂଚନା ଅନୁସାରେ , ହରିଜନ ସାହି ବାସୀ ଇଂରାଜୀ ନବ ବର୍ଷ ପାଳନ ସାରି ଘରକୁ ଯିବା ପାଇଁ ବାହାରିଥିଲେ । ସେମାନଙ୍କ ସହ ମଙ୍ଗୁଳୁ ଗୋଚ୍ଛାୟତ ମଧ୍ୟ ଥିଲେ । କିନ୍ତୁ ଆଜି ସକାଳ ପର୍ଯ୍ୟନ୍ତ ସେ ଘରକୁ ଫେରି ନଥିଲେ । ଘର ଲୋକେ ଚାରି ଆଡେ ଖୋଜାଖୋଜି କରିବା ପରେ ମଙ୍ଗୁଳୁଙ୍କ ମୃତଦେହ ଘର ପାଖ ଡ୍ରେନରେ ପଡ଼ିଥିବା ଦେଖିବାକୁ ମିଳିଥିଲା । ଖବର ପାଇ ବନ୍ତଳା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ।