ଅନୁଗୁଳ – ଅନୁଗୁଳ ବିଧାୟକ ତଥା ବିଧାନସଭା ଉପ ବାଚସ୍ପତି ଆଜି ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମ ସାରି ବନ୍ତଳା ଅଭିମୁଖେ ଯାଉଥିବା ବେଳେ ପଞ୍ଚମହଲା ନିକଟରେ ତାଙ୍କ ଗାଡି ଦୁର୍ଘଟଣା ହୋଇଥିଲା । ଏକ ଟ୍ରକ ଉପ ବାଚସ୍ପତିଙ୍କ ଗାଡିକୁ ଧକ୍କା ଦେଇଥିବା ବେଳେ ଅଳ୍ପକେ ଉପ ବାଚସ୍ପତି ରଜନୀକାନ୍ତ ସିଂହଙ୍କ ସମେତ ଗାଡି ଡ୍ରାଇଭର ଓ ଅଙ୍ଗ ରକ୍ଷକ ରକ୍ଷା ପାଇଯାଇଥିଲେ । ତେବେ ଏହି ଘଟଣା ପରେ ଉପ ବାଚସ୍ପତି ଯାଉଥିବା ଗାଡ଼ିରେ ଲାଗିଥିବା ଜାତୀୟ ପତାକା ଓଲଟା ଲାଗିଥିବା ଦେଖିବାକୁ ମିଳିଥିଲା । ଯାହାକୁ ନେଇ ସାଧାରଣରେ ତୀବ୍ର ନିନ୍ଦା କରା ଯାଇଛି । ସାମ୍ବିଧାନିକ ପଦବୀରେ ରହିଥିବା ରଜନୀକାନ୍ତ ସିଂହଙ୍କ ଗାଡ଼ିରେ ଏଭଳି ଜାତୀୟ ପତାକାକୁ ଅସମ୍ମାନ କରିବା ଘଟଣାକୁ ସହଜରେ କେହି ଗ୍ରହଣ କରି ପାରୁ ନାହାନ୍ତି ।