ଅନୁଗୁଳ – ଭିଜିଲାନ୍ସ ଜାଲରେ ଅନୁଗୁଳ ଜିଲ୍ଲା ମଙ୍ଗଳ ଅଧିକାରୀ । ନିଜର ସହାୟିକା ତଥା ରୋଷେୟାଙ୍କ ଠାରୁ ୪୯ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଆଜି(ଗୁରୁବାର) ଧରା ପଡିଛନ୍ତି । ସୂଚନା ଅନୁସାରେ ଛେଣ୍ଡିପଦା ଅଞ୍ଚଳର ଚତୃଭୂଜ ପୋଢ଼ ନାମକ ଜଣେ ବ୍ୟକ୍ତି ୨୦୦୬ ମସିହାରେ ଜିଲ୍ଲା ମଙ୍ଗଳ ଅଧିକାରୀଙ୍କ କାର୍ଯ୍ୟାଳୟରେ ଯୋଗ ଦେଇଥିଲେ । ସେତେବେଳେ ମଧ୍ୟ ସମାଜ ମଙ୍ଗଳ ଅଧିକାରୀ ଚାରୂଲତା ମଲ୍ଲିକ ଥିଲେ । ଚାରୂଲତା ଚତୃଭୂଜଙ୍କୁ ଚାକିରୀ ଦେଇଥିବା କହି କିଛି ଟଙ୍କା ମାଗିଥିଲେ । ପରବର୍ତ୍ତୀ ସମୟରେ ଚାରୁଳାତାଙ୍କ ବଦଳି ହୋଇ ଯାଇଥିଲା । ଏହାର କିଛି ବର୍ଷ ବ୍ୟବଧାନରେ ଚାରୁଲତା ପୁଣି ଅନୁଗୁଳ ଜିଲ୍ଲାକୁ ବଦଳି ହୋଇ ଆସିଥିଲେ । ଆଉ ଚତୃଭୂଜଙ୍କୁ ୨୦୦୬ ମସିହାରେ ଚାକିରି କରାଇ ଦେଇଥିବା କହି ଟଙ୍କା ମାଗିଥିଲେ । ତେବେ ଚତୃଭୂଜ ଟଙ୍କା ଦେବାକୁ ସକ୍ଷମ ନ ଥିବାରୁ ଚାରୁଲତା ଆକ୍ରୋସମୂଳକ ଭାବେ ଗତ ୩ ମାସ ହେଲା ଚତୃଭୂଜଙ୍କ ଦରମା ବନ୍ଦ କରି ଦେଇଥିଲେ । ଆଉ ଏହି ଦରମା ପାସ କରିବାକୁ ଏବଂ ଚାକିରୀ ବାବଦରେ ୫୦ ହଜାର ଟଙ୍କା ଦାବି କରିଥିଲେ । ତେବେ ଏଥିପାଇଁ ଚତୃଭୂଜ ଭିଜିଲାନ୍ସର ଦ୍ୱାରସ୍ଥ ହୋଇଥିଲେ । ଆଉ ଆଜି ୪୯ ହଜାର ଟଙ୍କା ଦେବାବେଳେ ପୂର୍ବରୁ ପ୍ରସ୍ତୁତ ହୋଇ ରହିଥିବା ଭିଜିଲାନ୍ସ ବିଭାଗ ଚାରୂଲତାଙ୍କୁ ଗିରଫ କରିବା ସହ ତାଙ୍କ ନିକଟରୁ ୪୯ ହଜାର ଟଙ୍କା ଜବତ କରିଛି । ପରେ ଭିଜିଲାନ୍ସ ପକ୍ଷରୁ ଜିଲଲ ମଙ୍ଗଳ କାର୍ଯ୍ୟାଳୟ , ତାଙ୍କ ସରକାରୀ ବାସଭବନରେ ମଧ୍ୟ ଯାଞ୍ଚ କରାଯାଇଥିବା ଭିଜିଲାନ୍ସ ପକ୍ଷରୁ ସୂଚନା ଦିଆ ଯାଇଛି ।