ଅନୁଗୁଳ – କୋଇଲା ବୋଝେଇ ଟ୍ରକ ରେ ନିଆଁ । ଅଳ୍ପକେ ଏକ ବଡ ଧରଣର ଅଘଟଣରୁ ମିଳିଲା ରକ୍ଷା । ସୂଚନା ଅନୁସାରେ OR 19 ଗ 7027 ନମ୍ବର ବିଶିଷ୍ଟ ଏକ ଟ୍ରକ ତାଳଚେର ଖଣି ଅଞ୍ଚଳରୁ କୋଇଲା ନେଇ ନାଲକୋ CPP ପ୍ଲାଣ୍ଟକୁ ଆସିଥିଲା । ତେବେ ସିପିପି ପ୍ଲାଣ୍ଟ ସମ୍ମୁଖରେ କୋଇଲା ବୋଝେଇ ଟ୍ରକର ଗେଟ ପାସ ଆଣିବାକୁ ଡ୍ରାଇଭର ଯାଇଥିବା ବେଳେ ହଠାତ ଟ୍ରକରେ ନିଆଁ ଲାଗି ଯାଇଥିଲା । ତୁରନ୍ତ ନାଲକୋର ଅଗ୍ନିଶମ ବିଭାଗ ଖବର ପାଇ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲେ । ଫଳରେ ଏକ ବଡ ଧରଣର ଅଘଟଣରୁ ରକ୍ଷା ମିଳି ଯାଇଥିଲା । ସୌଭାଗ୍ୟ ବଶତଃ ଟ୍ରକର କେବିନରେ ଲାଗିଥିବା ନିଆଁ କୋଇଲାରେ ଧରି ନଥିଲା ।ଏହା ଆଖପାଖରେ ଥିବା ଅନ୍ୟ ଟ୍ରକ ଗୁଡିକୁ ଘଟଣା ସ୍ଥଳରୁ ତୁରନ୍ତ ପଳାଇ ଥିଲେ । ନହଲେ ନିଆଁ ଆହୁରି ଭୟଙ୍କର ରୁପ ନେବାର ସମ୍ଭାବନା ରହିଥିଲା । ତେବେ ସର୍ଟ ସର୍କିଟ ଯୋଗୁଁ ଏହି ଅଗ୍ନିକାଣ୍ଡ ହୋଇଥିବା ଅନୁମାନ କରା ଯାଉଥିବା ବେଳେ ଟ୍ରକର ଇଞ୍ଜିନ ପାର୍ଶ୍ୱଟି ସମ୍ପୂର୍ଣ ଜଳି ଯାଇଛି ।
Advertisement
