ତାଳଚେର – ଅନୁଗୁଳ ଜିଲ୍ଲା ତାଳଚେର ଭରତପୁର କୋଇଲାଖଣିର କୋଲ ହାଣ୍ଡେଲିଂ ପ୍ଲାଣ୍ଟ ଓ  ସାଇଲୋରେ ଗତକାଲି ବିଳମ୍ବିତ ରାତିରେ ନିଆଁ ଲାଗି ଲକ୍ଷାଧିକ ଟଙ୍କାର ବେଲ୍ଟ ପୋଡି ପାଉଁଶ ହୋଇଯାଇଛି । ସୂଚନା ଅନୁସାରେ ଗତ କାଲି ବିଳମ୍ବିତ ରାତିରେ ସାଇଲୋ ଭିତରକୁ ଯାଇଥିବା ବେଲ୍ଟରେ ହଠାତ ନିଆଁ ଲାଗି ଧୂଆଁ ବାହାରିବାରୁ ସେଠାରେ ଥିବା କର୍ମଚାରୀ ବେଲ୍ଟକୁ ବନ୍ଦ କରି ନିଆଁ କୁ ଆୟତ୍ତ କରିଥିଲେ । ତେବେ ନିଆଁ ଲାଗିବାର କାରଣ ଅସ୍ପଷ୍ଟ ରହିଥିବାବେଳେ ସଟ ସର୍କିଟ ରୁ କିମ୍ବା ବେଲ୍ଟ ତଳେଥିବା ରୋଲର ଚାଲୁ ନଥିବାରୁ ନିଆଁ ଲାଗିଥାଇପାରେ ବୋଲି ଅନୁମାନ କରାଯାଉଛି । ରକ୍ଷଣା ବେକ୍ଷଣ ରେ ତ୍ରୁଟି ଯୋଗୁ ଏହିଭଳି ନିଆଁ ଲାଗିଥିବା ଅଭିଯୋଗ ହେଉଛି । ତେବେ ଏ ସମ୍ପର୍କରେ MCL କତ୍ତୃପକ୍ଷଙ୍କୁ ଯୋଗାଯୋଗ କରିଥିଲେ ମଧ୍ୟ  ପ୍ରତିକ୍ରିୟା ଦେବାକୁ ମନାକରିଥିଲେ । ଗତ କିଛି ମାସ ତଳେ ଭରତପୁର ଷ୍ଟୋରରେ ମଧ୍ୟ ନିଆଁ ଲାଗି ଲକ୍ଷାଧିକ ଟଙ୍କାର ଟାୟାର ପୋଡି ପାଉଁଶ ହୋଇଥିଲା । ତେବେ MCL  ଭରତପୁର କୋଇଲା ଖଣିର କତ୍ତୃପକ୍ଷଙ୍କ ଅବହେଳା ଯୋଗୁଁ ଏହିଭଳି କ୍ଷତି ଘଟୁଛି ବୋଲି ,ଶ୍ରମିକ ସଂଗଠନ ପକ୍ଷରୁ ସୂଚନା ଦିଆଯାଇଛି ।