.

ଛେଣ୍ଡିପଦା – ଅନୁଗୁଳ ଜିଲ୍ଲା ନିଶା ଶିଳ୍ପାଞ୍ଚଳ ଥାନା ପିତାବଳି ଛକ ଠାରେ ବେଆଇନ ଡିଜେଲ ବିକ୍ରି ହେଉଥିବା ଖବର ପାଇ ଅନୁଗୁଳ ସ୍ପେଶିଆଲ ସ୍କ୍ବାର୍ଡ ଓ ନିଶା ଶିଳ୍ପାଂଚଳ ପୋଲିସ ମଙ୍ଗଳବାର ସଂଧ୍ୟାରେ ଚଢାଉ କରି ବିପୁଳ ପରିମାଣର ଡିଜେଲ ଓ ଗୁଟଖା ଓ ବିଦେଶୀ ମଦ ଜବତ କରିଛି । ବିଶ୍ୱସ୍ତ ସୂତ୍ରରୁ ପିତାବଳି ଛକରେ ଚୋରା ଡିଜେଲ ବିକ୍ର ହେଉଥିବା ଖବର ପାଇ ଚଢାଉ କରିଥିଲେ । ଚଢାଉ ବେଳେ ପୋଲିସ ସେଠାରେ ୨ଟି ପିକଅପ ଗାଡି ଓ ଏକ କ୍ୟାମ୍ପର ଗାଡି ସହିତ ୧୦୫୦ ଲିଟର ଚୋରା ଡିଜେଲ ଜବତ କରିଥିଲା । ଏହା ସହିତ ଏହି ଘଟଣାରେ ସଂପୃକ୍ତ ଥିବା ଉଦୟ କୁମାର ନାଥ ,ମନୋଜ କଅଁର ,ଧ୍ରୁବ ଚରଣ ପୃଷ୍ଟି ,ପିଙ୍କୁନ ପ୍ରଧାନ ଗିରଫ କରିଥିଲା । ଏହାପରେ ଗିରଫ ଉଦୟ ନାଥ ସାହୁଙ୍କର ପିତାବଳି ଛକରେ ଥିବା ଗ୍ରସରୀ ଦୋକାନ ଉପରେ ଚଢାଉ କରି ୫୦ ବସ୍ତା ଗୁଟଖା ଜବତ କରିଥିଲା । ଏ ନେଇ ଥାନା କେସ ନଂ୧୬/୨୦ରେ ଏକ ମାମଲା ରୁଜୁ କରିବା ସହିତ ୪ଜଣଙ୍କୁ ବୁଧବାର କୋର୍ଟ ଚାଲାଣ କରାଯାଇଛି ।

ସେହିପରି ଉଦୟ କୁମାର ନାଥଙ୍କ ଭାଇ ପ୍ରଶାନ୍ତ ନାଥ ରହୁଥିବା ଭୁବନପୁର ଗାଁ ଘରେ ବିଦେଶୀ ମଦ ବେଆଇନ ଭାବେ ରଖି ବିକ୍ରି କରୁାଯାଉଥିବା ଖବର ପାଇ ଚଢ଼ାଉ କରାଯାଇଥିଲା । ଏହି ଚଢ଼ାଉବେଳେ ୧୧୭୮ଟି ବିଭିନ୍ନ ପ୍ରକାରର ବିଦେଶି ମଦ ଜବତ କରାଯାଇଥିଲା । ଯାହାକି ୩୩୫ ଲିଟରରୁ ଅଧିକ ହେବ ବୋଲି ଜଣାପଡିଛି । ଏନେଇ ନିଶା ଶିଳ୍ପାଂଚଳ ଥାନା କେସ ନଂ୧୫/୨୧ରେ ଏକ ମାମଲା ରୁଜୁ କରାଯାଇ ପ୍ରଶାନ୍ତ କୁମାର ନାଥ ଗିରଫ ପରେ ବୁଧବାର କୋର୍ଟ ଚାଲାଣ କରାଯାଇଛି । ତେବେ ଥାନା ଠାରୁ ମାତ୍ର ୩ କିମି ବ୍ୟବଧାନରେ ଏତେ ପରିମାଣର ଚୋରା ମଦ , ଗୁଟଖା ଏବଂ ଡିଜେଲ ବିକ୍ରି ହେଉଥିବା ସତ୍ବେ ପୋଲିସ କିଭଳି ଆଜିଯାଏ ଟେର ପାଉ ନଥିଲା ତାକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି ।