ଅନୁଗୁଳ – ଅନୁଗୁଳ ବନଖଣ୍ଡ ବନ୍ତଳା ରେଞ୍ଜର ଫରେଷ୍ଟରଙ୍କୁ ଆକ୍ରମଣ ଅଭିଯୋଗ । ସୂଚନା ଅନୁଯାୟୀ ରାତିରେ ଫରେଷ୍ଟର ପ୍ରଦୀପ ପ୍ରଧାନ ହାତୀ ଘଉଡାଇବାକୁ ଯାଇଥିବା ସମୟରେ ଗଡ଼ତରାସ ଅଞ୍ଚଳର ଜଣେ ବ୍ୟକ୍ତି ତାଙ୍କୁ ଆକ୍ରମଣ କରିଥିବା ଜଣାପଡ଼ିଛି । ଏ ନେଇ ବନ୍ତଳା ଥାନାରେ ଅଭିଯୋଗ କରିଥିବା ଜଣାପଡିଛି । ଗଡ଼ତରାସ ଅଞ୍ଚଳରେ ହାତୀପଲ ଥିବା ଖବର ପାଇ ପ୍ରଦୀପ ଯାଇଥିଲେ । ହାତୀ ଯୋଗୁଁ କ୍ଷୟକ୍ଷତି ହେଉଥିବା ବେଳେ ସଠିକ କ୍ଷତିପୂରଣ ମିଳୁନଥିବା ନେଇ ସେଠାରେ ପ୍ରଦୀପଙ୍କ ସ୍ଥାନୀୟ ସରପଞ୍ଚଙ୍କ ସହ ଉଚ୍ଚବାଚ ହୋଇଥିଲା । ହଠାତ ଉତକ୍ଷିପ୍ତ ହୋଇ ସରପଞ୍ଚ ଜଣଙ୍କ ପ୍ରଦୀପଙ୍କୁ ଆକ୍ରମଣ କରିଥିବା ଫରେଷ୍ଟର ଅଭିଯୋଗ କରିଛନ୍ତି । ଆକ୍ରମଣ ଫଳରେ ପ୍ରଦୀପଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ତାଙ୍କୁ ବନ ବିଭାଗ କର୍ମଚାରୀ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ । ପରେ ମାଡ ଖାଇଥିବା ଫରେଷ୍ଟର ବନ୍ତଳା ଥାନାରେ ଲିଖିତ ଅଭିଯୋଗ କରିଛନ୍ତି । ତେବେ ଏ ନେଇ ପୁଲିସର ପ୍ରତିକ୍ରିୟା ମିଳି ପାରିନଥିବା ବେଳେ ଘଟଣାର ତଦନ୍ତ ଚାଲିଥିବା ଅନୁଗୋଳ DFO ସୂଚନା ଦେଇଛନ୍ତି ।
What’s your Reaction?
+1
1
+1
+1
1
+1
+1
1
+1
+1
