ଅନୁଗୁଳ ଡାଇରିପବନା ଉବାଚ ଅନୁଗୁଳ ପ୍ରଶାସନିକ ଅଧିକାରୀଙ୍କ ଗଞ୍ଜାମ ପ୍ରୀତି Angul OnlineJanuary 26, 2021January 26, 2021 ଅନୁଗୁଳ: ଅନୁଗୁଳ ପ୍ରଶାସନିକ ଅଧିକାରୀଙ୍କ ଗଞ୍ଜାମ ପ୍ରୀତି ଏବେ ସହରରେ ଚର୍ଚ୍ଚାର ବିଷୟ ହୋଇଛି । ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲାର ବିଭିନ୍ନ ଅଞ୍ଚଳରେ ଚାଲିଥିବା ଉନ୍ନୟନ ମୂଳକ କାର୍ଯ୍ୟରେ ଏବେ ଗଞ୍ଜାମ ଜିଲ୍ଲାର ଛାପ ଦେଖିବାକୁ ମିଳୁଛି । ଜିଲ୍ଲାରେ ଅନେକ ସାଧନ ଥିବା ସତ୍ତ୍ୱେ ଗଞ୍ଜାମ ଜିଲ୍ଲାରୁ ସାଧନ ଆସୁଛି । ଗଞ୍ଜାମ ଉଦ୍ୟୋଗୀଙ୍କୁ ପ୍ରାଥମିକତା ଭିତ୍ତିରେ ସୁଯୋଗ ମିଳୁଛି । ଏହା ପଛରେ କଣ ରହସ୍ୟ ରହିଛି ବୋଲି ପ୍ରଶ୍ନ ଉଠିଛି । ବିନା ଟେଣ୍ଡରରେ ଲକ୍ଷାଧିକ ଟଙ୍କାର କାମ ମନ ମୁତାବକ ଲୋକ ହାତକୁ ଟେକି ଦିଆଯାଉଛି । ଏପରିକି ଛୋଟମୋଟ କାମ ମଧ୍ୟ ଜିଲ୍ଲାବାସୀଙ୍କୁ ମିଳୁନି । ଯାହାର ଏକ ନଗ୍ନ ଉଦାହରଣ ହେଲା, ସଡ଼କ ସୁରକ୍ଷା ସଚେତନତା କାର୍ଯ୍ୟକ୍ରମ । ସଡ଼କ ସୁରକ୍ଷା ସଚେତନତା ବାର୍ତ୍ତା ପ୍ରଚାର ନିମନ୍ତେ ଜିଲ୍ଲା ପ୍ରଶାସନ ପକ୍ଷରୁ ଦୁଇଟି ଗାଡ଼ି ବ୍ୟବସ୍ଥା ହୋଇଥିଲା । ସେଥିରୁ ଗୋଟିଏ ଗାଡ଼ି ଗଞ୍ଜାମ ଜିଲ୍ଲାରୁ ଆସିଥିଲା । ଆଉ ଗୋଟିଏ ଗାଡ଼ି ଅନୁଗୁଳ ସହରର ଥିଲା । ସେହିପରି ଜିଲ୍ଲାର ବିଭିନ୍ନ ସ୍ଥାନରେ ପାର୍କ ନିର୍ମାଣ କରିବାକୁ ଯୋଜନା ପ୍ରସ୍ତୁତ ହୋଇଥିବା ବେଳେ ଏହାର ପ୍ଲାନିଂ ତଥା ନକ୍ସା ପ୍ରସ୍ତୁତ କରିବାକୁ ଗଞ୍ଜାମ ଜିଲ୍ଲାର ଆର୍କିଟେକ୍ଚରଙ୍କୁ ଦାୟିତ୍ୱ ଦିଆଯାଇଥିବା ଜଣାଯାଇଛି । ଏଭଳି ଅନେକ ଉନ୍ନୟନ କାର୍ଯ୍ୟ ଗଞ୍ଜାମ ଜିଲ୍ଲାର ଲୋକଙ୍କ ହାତରେ ଚାଲିଛି । ଅନୁଗୁଳ ଜିଲ୍ଲାରେ ଅନେକ କୁଶଳୀ ତଥା ଦକ୍ଷ ଲୋକ ଓ ସାଧନ ରହିଥିବା ବେଳେ ପ୍ରାଥମିକତା ଭିତ୍ତିରେ ସେମାନଙ୍କୁ କାର୍ଯ୍ୟରେ ନିଯୁକ୍ତ କରାନଯିବା ପଛରେ ଅନେକ ରହସ୍ୟ ରହିଥିବା ଆଲୋଚନା ହେଉଛି । ବରିଷ୍ଠ ଅଧିକାରୀଙ୍କ ନିର୍ଦ୍ଦେଶରେ ଏସବୁ କାର୍ଯ୍ୟ ଚାଲିଥିବା ବିଶ୍ୱସ୍ତ ସୂତ୍ରରୁ ଜଣାଯାଇଛି । ଯାହାକୁ ନେଇ ଜିଲ୍ଲାବାସୀଙ୍କ ମଧ୍ୟରେ ଅସନ୍ତୋଷ କୁହୁଳିବାରେ ଲାଗିଛି । ଶିଳ୍ପ ସମୃଦ୍ଧ ଅନୁଗୁଳ ଜିଲ୍ଲାର ଅଧିବାସୀଙ୍କ ସରଳତାର ସୁଯୋଗ ନେଇ ସେମାନଙ୍କୁ ଭକୁଆ ବନାଯାଉଥିବା ନାମ ଗୋପନ ରଖିବା ସର୍ତ୍ତରେ ଜୈନିକ ବରିଷ୍ଠ ପ୍ରଶାସନିକ ଅଧିକାରୀ ପ୍ରକାଶ କରିଛନ୍ତି । ପ୍ରଶାସନିକ ଅଧିକାରୀଙ୍କ ଏହି ଗଞ୍ଜାମ ପ୍ରୀତି ନଛାଡ଼ିଲେ ଆଗାମୀ ଦିନରେ ଜିଲ୍ଲାର ଶିଳ୍ପଦ୍ୟୋଗୀ ତଥା କୁଶଳୀ କାରିଗରମାନେ ଆନ୍ଦୋଳନାତ୍ମକ ପନ୍ଥା ଗ୍ରହଣ କରିବେ ବୋଲି ଚେତାବନୀ ଦେଇଛନ୍ତି । Advertisement
ମହିଳା ଶିଶୁ ବିକାଶ ବିଭାଗର କାର୍ଯ୍ୟର ସମୀକ୍ଷା କଲେ ଗୃହ କମିଟି ଅନୁଗୁଳ – ଅନୁଗୁଳ ଜିଲ୍ଲାରେ କିଭଳି ଚାଲିଛି ମହିଳା ଶିଶୁ ବିକାଶ ବିଭାଗର କାର୍ଯ୍ୟ ତାର ସମୀକ୍ଷା କରିଛି ଓଡ଼ିଶା ବିଧାନସଭା ଗୃହ କମିଟି । ଓଡିଆ…
ଅନ୍ଧବିଶ୍ଵାସର ଅନ୍ତ – ଶହ ଶହ ବର୍ଷ ପରେ ଗାଁରେ ପଡିଲା ପ୍ରଥମ ଛାତ ଆଠମଲ୍ଲିକ – ଛାତ ଘର ତିଆରି କଲେ ଗାଁ କୁ ବିପଦ ମାଡି ଆସିବ । ଗାଁ ଠାକୁରାଣୀ କୋପ କରିବେ ଏବଂ ଲୋକଙ୍କର ଅନିଷ୍ଟ ହେବ…
ମହାନ ଜନନାୟକ ନବକୃଷ୍ଣ ଚୌଧୁରୀଙ୍କର ଜୟନ୍ତୀ ପାଳିତ ଅନୁଗୁଳ – ଆଜି ପୂର୍ବାହ୍ନରେ ମହାନ ବିପ୍ଳବୀ , ସର୍ବୋଦୟ ନେତା , ବିଶିଷ୍ଟ ଜନନାୟକ ତଥା ଓଡିଶାର ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗୀୟ ନବକୃଷ୍ଣ ଚୌଧୁରୀଙ୍କର ଜିଲ୍ଲା…