ତାଳଚେର – ରାଜ୍ୟ ଓ କେନ୍ଦ୍ର ସରକାର କୋରାନା ମହାମାରୀ ପାଇଁ ବାଣ ବିକ୍ରି ନ କରିବାକୁ କଡା ନିର୍ଦ୍ଦେଶ ଦେଇଥିବା ବେଳେ ଆଜି ତାଳଚେର ହାଟତୋଟା ସ୍ଥିତ ମ୍ୟୁନିସପାଲିଟି ମାର୍କେଟ କମ୍ପ୍ଲେକ୍ସରେ ବାଣ ବିକ୍ରି ହେଉଥିବା ବେଳେ ପ୍ରଶାସନ ବିପୁଳ ପରିମାଣର ବାଣ ଜବତ କରିଛି  । ମ୍ୟୁନିସପାଲିଟି ମାର୍କେଟ କମ୍ପ୍ଲେକ୍ସର ରୁମ ନଂ-୦୯ ରୁ ଏହି ବିପୁଳ ପରିମାଣର ଗଛିତ ଥିବା ବେଆଇନ ବାଣ ଜବତ କରା ଯାଇଛି ।ଏଠାରେ ବେନିୟମ ଭାବେ ବାଣ ବିକ୍ରି ହେଉଥିବା ଖବର ପାଇ ତାଳଚେର ଅତିରିକ୍ତ ତହସିଲଦାରଙ୍କ ଉପସ୍ଥିତରେ ତାଳଚେର ପୁଲିସ ଓ ପୌର ପାଳିକା କର୍ମଚାରୀ ମାନେ ଚଢ଼ାଉ କରିଥିଲେ । ଏବଂ ଏଠାରେ ମହଜୁଦ ପେଟି ପେଟି ବାଣ ଜବତ କରିଥିଲେ । ଆଉ ଏହି ବେନିୟମ ଭାବେ ବାଣ ଗଛିତ ରଖିବା ଅଭିଯୋଗରେ ଜଣଙ୍କୁ ପୁଲିସ ଅଟକ କରିଥିବା ଜଣା ପଡିଛି ।